رب کرے اس دھرتی اُتے

[عبدالقیوم چوہدری]

رب کرے اس دھرتی اُتے
بھورے جِنا دُکھ نہ ہووے
کِسے دا پیلا مُکھ نہ ہووے
کوئی وی سُکا رُکھ نہ ہووے
اِک وی سُنجی کُکھ نہ ہووے
اونتر جانی بُھکھ نہ ہووے

رب کرے اس دھرتی اُتے
تھاں تھاں کھنڈ پتاسےنچن
ہر ویلےہر پاسےنچن
ہمتاں نال دلاسےنچن
تولے نچن ماسےنچن
جِدھر ویکھو ہاسےنچن

رب کرے اس دھرتی اُتے
ون سَونّیاں ذاتاں مُکن
اُچیاں نیویاں باتاں مُکن
لوڑاں وی کم ذاتاں مُکن
ظُلم دیاں برساتاں مُکن
کال کلوٹیاں راتاں مُکن

رب کرے اس دھرتی اُتے
ہر اک شام سُہانی ہووے
شہد توں مِٹھا پانی ہووے
پُھلاں دی بس ڈھانی ہووے
ہر کوئی راجا رانی ہووے
۔۔۔

ارشاد سندھو