اعتزاز احسن
محفلین
۔
عشق کے نام پہ خیرات بھی لے لیتے ہیں
یہ وہ صدقہ ہے جو سادات بھی لے لیتے ہیں
۔
مشکلوں میں مرے پلنے پہ تعجب کیسا
جڑ سے تھوڑی سی نمو، پات بھی لے لیتے ہیں
۔
یہ جو آتے ہیں تجھے روز دلاسا دینے
باتوں باتوں میں تری بات بھی لے لیتے ہیں
۔
دشت میں آئے ہیں تو، قیس سے بھی ملتے چلیں
خضر _ صحرا سے ہدایات بھی لے لیتے ہیں
۔
صرف گھر تک ہی نہیں گوشہ نشینی اپنی
میلوں ٹھیلوں میں اسے ساتھ بھی لے لیتے ہیں
۔
ان دنوں شعر میں بھی شعبدہ بازی ہے بہت
بعض تو اوروں کی خدمات بھی لے لیتے ہیں
عشق کے نام پہ خیرات بھی لے لیتے ہیں
یہ وہ صدقہ ہے جو سادات بھی لے لیتے ہیں
۔
مشکلوں میں مرے پلنے پہ تعجب کیسا
جڑ سے تھوڑی سی نمو، پات بھی لے لیتے ہیں
۔
یہ جو آتے ہیں تجھے روز دلاسا دینے
باتوں باتوں میں تری بات بھی لے لیتے ہیں
۔
دشت میں آئے ہیں تو، قیس سے بھی ملتے چلیں
خضر _ صحرا سے ہدایات بھی لے لیتے ہیں
۔
صرف گھر تک ہی نہیں گوشہ نشینی اپنی
میلوں ٹھیلوں میں اسے ساتھ بھی لے لیتے ہیں
۔
ان دنوں شعر میں بھی شعبدہ بازی ہے بہت
بعض تو اوروں کی خدمات بھی لے لیتے ہیں