رانا سعید دوشی کی ایک غزل

[نورالحسن جوئیہ]

رونا روتے بھی تو بے کار کا رونا روتے
کون دیوانے تھے جو پیار کا رونا روتے
_________________
رونا رویا ہے پرندوں کی طرح پیڑوں کا
آدمی ہوتے تو ہم غار کا رونا روتے
_________________
ہم بھی دیوانے جو ہوتے تو مزا آجاتا
خود پہ ہنستے کبھی اغیار کا رونا روتے
_________________
نیلے آکاش تلے ہوتی سکونت اپنی
چھت پہ ہنستے کبھی دیوار کا رونا روتے
_________________
جن کو بِکنے میں ذرا سی بھی نہ تھی دل چسپی
کس لیے چشمِ خریدار کا رونا روتے