La Alma
لائبریرین
رازِکُن وہ بتلائےگا
آخر عقدہ کھل جائےگا
تائیدِ فطرت ہے واجب
کون اُس کو یہ سمجھائےگا
شورش تو ہو گی ہستی میں
ہر عنصر جب چِلّائےگا
کُل میں ہنگامہ ہے برپا
اب جُز باغی کہلائےگا
پھر گردش میں ہیں روز و شب
ماضی خود کو دہرائےگا
قرب اُس کا جو مل جائے تو
ہر عاجز بھی اترائےگا
گر چشمِ باطن وا کر لو
جو ہے مخفی دِکھ پائےگا
ہر کوشش اپنی کر بیٹھے
چین آتے آتے آ ئےگا
فکرِ فردا سے کیا حاصل
جو ہو گا دیکھا جا ئےگا
