رات، رتیاں، رین اور شب کے الفاظ پر مبنی اردو اشعار

[زیرک]

شب و روز نہ اذیت میں گزارے ہوتے
چین آ جاتا اگر کھیل کے ہارے ہوتے
محسن نقوی​

 

[زیرک]

کل رات تنہا چاند کو دیکھا تھا میں نے خواب میں
محسن مجھے راس آئے گی شاید سدا آوارگی
محسن نقوی​

 

[عبدالرحمن آزاد]

شب کو مے خوب سی پی صبح کو توبہ کرلی
رند کے رند رہے ہاتھ سے جنت نہ گٸ
جلیل مانک پوری

 

[زیرک]

بارش کے بعد رات سڑک آئینہ سی تھی
اِک پاؤں پانیوں پہ پڑا، چاند ہِل گیا​

 

[زیرک]

بھرے شہر میں ایک ہی چہرہ تھا جسے آج بھی گلیاں ڈھونڈتی ہیں
کسی صبح اسی کی دھوپ کھلی، کسی رات وہی مہتاب ہوا
محسن نقوی​

 

[زیرک]

اب رات کی دیوار کو ڈھانا ہے ضروری
یہ کام مگر مجھ سے اکیلے نہیں ہو گا
شہریار​

 

[زیرک]

جاگتا ہوں میں ایک اکیلا، دنیا سوتی ہے
کتنی وحشت ہجر کی لمبی رات میں ہوتی ہے
شہریار​

 

[زیرک]

تیرگی، خامشی، بے بسی، تشنگی
ہجر کی رات میں خامیاں خامیاں
لتا حیا​

 

[عبدالرحمن آزاد]

دونوں جہاں تیری محبت میں ہار کے
وہ جارہا ہے کوٸی شب غم گزار کے
فیض احمد فیض

 

[زیرک]

دونوں جہاں تری محبت میں ہار کے
وہ جارہا ہے کوٸی شب غم گزار کے
فیض احمد فیض

رات کیا سوئے کہ باقی عمر کی نیند اڑ گئی
خواب کیا دیکھا کہ دھڑکا لگ گیا تعبیر کا
احمد فراز

​

 

[زیرک]

موسمِ عشق کی آہٹ سے ہی ہر اک چیز بدل جاتی ہے
راتیں پاگل کر دیتی ہیں، دن دیوانے ہو جاتے ہیں
امجد اسلام امجد​

 

[عبدالرحمن آزاد]

املا کی غلطی ہے جناب، درست شعر یوں ہے

دونوں جہان تیری محبت میں ہار کے
وہ جا رہا ہے کوئی شبِ غم گزار کے
فیض احمد فیض​

رات کیا سوئے کہ باقی عمر کی نیند اڑ گئی
خواب کیا دیکھا کہ دھڑکا لگ گیا تعبیر کا
احمد فراز

​

ہوگیا جی
شکریہ

 

[عبدالرحمن آزاد]

شب ہجر میں کیا ہجوم بلا ہے
زباں تھک گئی مرحبا کہتے کہتے
مومن خان مومن

 

[عبدالرحمن آزاد]

بہت دنوں میں محبت کو یہ ہوا معلوم
جو تیرے ہجر میں گزری وہ رات رات ہوٸی
فراق گور کھپوری

 

[زیرک]

کل رات بہت غور کیا ہے سو ہم اے جون
طے کر کے اٹھے ہیں، کہ تمنا نہ کریں گے
جون ایلیا​

 

[زیرک]

رات کو کہتے ہیں کل بات کریں گے دن میں
دن گزر جائے تو سمجھو کہ گئی رات پہ بات
باصر کاظمی​

 

[عبدالرحمن آزاد]

دشتِ شب سے خوابوں کی تعبیروں تک
رستے میں اک آگ کا دریا پڑتا ہے

 

[زیرک]

تُو رات کے پہلو میں چمکتا ہوا فانوس
میں صبح کے بے فیض چراغوں کا دھواں ہوں
راکب مختار​

 

[زیرک]

غرق ہو جاتی ہے جب نیند میں ساری دنیا
جاگ اٹھتے ہیں ادیبوں کے قلم رات گئے​

 

[زیرک]

عجیب رات تھی کل تم بھی آ کے لوٹ گئے
جب آ گئے تھے تو پل بھر ٹھہر گئے ہوتے
بشیر بدر​