رات، رتیاں، رین اور شب کے الفاظ پر مبنی اردو اشعار

[زیرک]

گٹھڑی کال رَین کی سونٹی سے لٹکائے
اپنی دُھن میں دھیان نگر کو گئے کیا کیا لوگ​

 

[زیرک]

پلا ساقیا مئے جاں پلا کہ میں لاؤں پھر خبر جنوں
یہ خرد کی رات چھٹے کہیں نظر آئے پھر سحر جنوں
ن م راشد​

 

[زیرک]

شہرِ بدن بس رین بسیرا جیسا ہے
منزل پر کب رکتے ہیں بنجارے لوگ
راغب اختر​

 

[زیرک]

ہم مسافر تھے، ہمارا مستقر کوئی نہ تھا
رات جب آئی جہاں آئی بسیرا ہو گیا
سیماب اکبرآبادی​

 

[زیرک]

اڑ جاتے ہیں شاخوں سے سحر ہوتے ہی طائر
بس رین بسیرا ہے یہاں جو بھی مکاں ہے
یوسف تقی​

 

[عبدالرحمن آزاد]

اونچی عمارتیں تو بڑی شاندار ہیں
لیکن یہاں تو رین بسیرے تھے کیا ہوئے

 

[زیرک]

آوارہ ہوں، رین بسیرا کوئی نہیں میرا
گلی گلی کرتا ہوں پھیرا، کوئی نہیں میرا
انور شعور​

 

[عبدالرحمن آزاد]

شبِ سیاہ سے اہل سفر نہ گھبرائیں
شب تاریک کی آغوش میں اندھیرا ہے

 

[زیرک]

جب تک تجھ کو موت نہ آئے کر لے رین بسیرا بابا
آتی جاتی اس دنیا میں کیا میرا، کیا تیرا بابا
شمس رمزی​

 

[عبدالرحمن آزاد]

کل چودھویں کی رات تھی شب بھر رہا چرچا ترا
کچھ نے کہا یہ چاند ہے کچھ نے کہا چہرا ترا
ابن انشإ

 

[عبدالرحمن آزاد]

ایک شب اس کو اس طرح دیکھوں
دامن شب کے پار ہو جاؤں
افروز رضوی

 

[زیرک]

آخرِ شب کی بے کلی اور میں
تیرا وعدہ، تری گلی اور میں​

 

[زیرک]

رات کو کاٹتے ہیں چاقو سے
شہر کی ایک باولی اور میں​

 

[زیرک]

رات کی رات مسافر ہوں تری بستی میں
شب کا تارا ہوں نظر آ کے چلا جاؤں گا​

 

[زیرک]

ہر شام جلد سونے کی عادت ہی پڑ گئی
ہر رات ایک خواب ضروری سا ہو گیا​

 

[عبدالرحمن آزاد]

کیا جانے اسے وہم ہے کیا میری طرف سے
جو خواب میں بھی رات کو تنہا نہیں آتا
شیخ ابراھیم ذوق

 

[عبدالرحمن آزاد]

کیوں وصل کی شب ہاتھ لگانے نہیں دیتے
معشوق ہو یا کوٸی امانت ہو کسی کی
داغ دہلوی

 

[زیرک]

آنکھوں کو سب کی نیند بھی دی خواب بھی دیے
ہم کو شمار کرتی رہی دشمنوں میں رات
شہریار​

 

[عبدالرحمن آزاد]

وہ چاندنی میں پھرتے ہیں گھر گھر یہ شور ہے
نکلا ہے آفتاب شب مہتاب میں
جلیل مانک پوری

 

[زیرک]

ہجر کی شب سے حوصلے اپنے
بچ گئے تو سحر بھی دیکھیں گے
محسن نقوی​