دیئے گئے لفظ پر شاعری - دوسرا دور

[شمشاد]

ہے نزاکت مانع جنبش لبِ جاں بخش کو
کام تیرا خوب چشمِ سامری فن بن گیا
(داغ دہلوی)

چشم

 

[زھرا]

دیکھ اس چشم مست کی شوخی
جب کسی پارسا سے لڑتی ہے
ذوقؔ

پارسا

 

[شمشاد]

پئے نذرِ کرم تحفہ ہے 'شرمِ نا رسائی' کا
بہ خوں غلطیدۂ صد رنگ، دعویٰ پارسائی کا
(چچا)

شرم

 

[زھرا]

مجبور اپنی شیوۂ شرم و حیا سے تم
ناچار اضطراب دل مبتلا سے ہم
داغ

اضطراب

 

[شمشاد]

یہ اضطرابِ مسلسل عذاب ہے امجد
مِرا نہیں تو کسی اور ہی کا ہو جائے
(امجد اسلام امجد)

عذاب

 

[جاسمن]

یہ جو آگہی کا سراب ہے ،یہی سب سے بڑھ کر عذاب ہے
یہ سمجھ وہ عکسِ خیال تھا،کوئی خواب تھا،اُسے بھول جا
(مدتوں پہلے پڑھا ہؤا یہ شعرذہن میں آ رہا ہے۔ معلوم نہیں مجھے اب تک ٹھیک یاد بھی ہے یا نہیں)
آگہی کا عذاب ڈس لے گا
زندگی بھر کتاب سے بچنا
(آگہی)

 

[شمشاد]

علمِ نِکاتِ زندگی، ضبطِ کمالِ آگہی
فطرتِ راز جُو ہے اور، منصبِ رازداں ہے اور
(ساغر نظامی)

فطرت

 

[جاسمن]

ہجومِ غم میری فطرت بدل نہیں سکتا
کروں میں کیامیری عادت ہے مسکرانے کی
(عادت)

 

[محمداحمد]

مجھ کو عادت ہے روٹھ جانے کی
آپ مجھ کو منا لیا کیجے

منانا

 

[جاسمن]

میں جان جان کے بھی مناتا نہیں اُسے
اچھا لگا ہمیشہ مُجھے روٹھتا ہؤا
جاسمن
(روٹھنا)

 

[محمداحمد]

ہم نہ ہوں گے تو کہو کون منائے گا تمھیں
یہ بری بات ہے ہر بات پہ روٹھا نہ کرو

بات

 

[زھرا]

بات سے بات نکلنے کے وسیلے نہ رہے
لب رسیلے نہ رہے نین نشیلے نہ رہے
خالد احمد

نشیلے

 

[جاسمن]

تُم یونہی ناراض ہوتے ہو، ورنہ مے خانے کا پتہ
ہم نے ہر اُس شخص سے پُوچھا،جِس کے نین نشیلے تھے
مے خانہ

 

[شمشاد]

ذوق جو مدرسہ کے بگڑے ہوئے ہیں مُلا
ان کو مہ خانہ میں لے آؤ سنور جائیں گے
(ابراہیم ذوق)

سنور / سنورنا

 

[جاسمن]

حسین تر ہیں شکستیں کہ ہر شکست کے بعد
ہم اپنے آپ میں کیا کیا سنورتے رہتے ہیں
شکست

 

[شمشاد]

مجھ کو شکستِ دل کا مزہ یاد آ گیا
تم کیوں اُداس ہو گئے، کیا یاد آ گیا(خمار بارہ بنکوی)

اداس

 

[جاسمن]

راتیں ہیں اُداس،دِن کڑے ہیں
اے دِل تیرے حوصلے بڑے ہیں
اے یاِدِحبیب ساتھ دینا
کچھ مرحلے سخت آ پڑے ہیں
حبیب

 

[انوار گوندل؎]

قدم گن گن کے رکھتے ہیں کمر بل کھا ہی جاتی ہے
خدا جب حسن دیتا ہے نزاکت آ ہی جاتی ہے
فیسبک
حسن

 

[شمشاد]

قدم گن گن کے رکھتے ہیں کمر بل کھا ہی جاتی ہے
خدا جب حسن دیتا ہے نزاکت آ ہی جاتی ہے
فیسبک
حسن

انوار صاحب اس کھیل کا اصول ہے کہ جو شعر میں سے ایک لفظ دیا جاتا ہے، وہ لفظ اگلے شعر میں آنا چاہیے۔

 

[شمشاد]

راتیں ہیں اُداس،دِن کڑے ہیں
اے دِل تیرے حوصلے بڑے ہیں
اے یاِدِحبیب ساتھ دینا
کچھ مرحلے سخت آ پڑے ہیں
حبیب

نہ میں مضطر ان کا حبیب ہوں، نہ میں مضطر ان کا رقیب ہوں
جو بگڑ گیا وہ نصیب ہوں، جو اجڑ گیا وہ دیار ہوں
(مضطر خیر آبادی)

نصیب