دیئے گئے لفظ پر شاعری - دوسرا دور

[شمشاد]

​

ایک بچہ بھی ملا جھلسے ہوئے افراد میں​

پیڑ کے ہمراہ گُل بوٹے جلا دیتی ہے آگ​

(انور شعور)​

​

​

آگ​

 

[مزمل حسین]

آگ ہے، اولاد ابراہیم ہے، نمرود ہے
کیا کسی کو پھر کسی کا امتحاں مقصود ہے؟؟
(اقبال)
نمرود

 

[شمشاد]

مزمل بھائی دوسرے مصرعے میں گڑبڑ لگ رہی ہے۔
-------------------------------------------------

کیا وہ نمرود کی خدائی تھی؟
بندگی میں مرا بھلا نہ ہوا
(چچا)

بندگی

 

[زبیر مرزا]

رہ گیا جانے کہاں قافلہ قندیلوں کا
رات انبار اٹھا لائی ہے تاویلوں کا
(یوسف حسن)
رات

 

[شمشاد]

زحال بھائی آپ کو ایسا شعر دینا تھا جس میں لفظ "بندگی" ہوتا۔
--------------------------------------------------------------

ایک مزاحیہ شعر بھی سہی :

رات کہتے ہیں تیری زلف گرہ گیر کو لوگ
تُو اگر سر منڈھا دے تو اجالا ہو جائے


زلف

 

[زبیر مرزا]

میں جب تک شعر لکھتا ہوں لفظ ہی تبدیل ہوجاتا ہے
------------------------------------------------------
زلف راتوں سی ہے رنگت ہے اُجالوں جیسی
پر عادت ہے وہی بھولنے والوں جیسی

عادت

 

[شمشاد]

تو آپ اقتباس لے لیا کریں ناں۔
-------------------------------------------

وہ ریا جس پہ تھے زاہد طعنہ زن​

پہلے عادت پھر عبادت ہو گئی​

(اکبر الہ آبادی)


عبادت

 

[مزمل حسین]

زحال بھائی میں مصروف ہو گیا تھا لیکن It doesn't mean کہ مجھے زلف سے محروم کر دیا جائے
.......
.......
سوتے ہوئے جو زلف گرہ گیر کھل گئ
بستر کی سلوٹوں میں مہکنے لگے گلاب...
(اظہر سعید)

 

[شمشاد]

اگلا حرف میں نے "بستر" لے لیا ہے۔
--------------------------------------------------

در پہ رہنے کو کہا، اور کہہ کے کیسا پھر گیا
جتنے عرصے میں مِرا لپٹا ہوا بستر کھلا
(چچا)

در

 

[مزمل حسین]

دائم پڑا ہوا ترے در پر نہیں ہوں میں
خاک ایسی زندگی پہ کہ پتھر نہیں ہوں میں
(غالب)
خاک

 

[شمشاد]

آغوش خاک میں جسے صدیاں گزر گئیں​

وہ پھررہا ہے جگ میں مسافر بنا ہوا
(منصور آفاق)


آغوش

 

[مزمل حسین]

تجھے اس قوم نے پالا ہے آغوش محبت میں
کچل ڈالا تھا جس نے پاؤں میں تاج سر دارا (اقبال)
پاؤں

 

[شمشاد]

ہم رہے مبتلائے دیر و حرم ​

وہ دبے پاؤں دل میں آ بیٹھے
(خمار بارہ بنکوی)


دل

 

[مزمل حسین]

آدم کا جسم جب کہ عناصر سے مل بنا
کچھ آگ بچ رہی تھی سو عاشق کا دل بنا
(مرزا رفیع سودا)
جسم

 

[شمشاد]

اِک رُوح کی فریاد نے چونکا دیا مجھ کو​

تُو اب تومجھے جسم کے زنداں سے رہا کر
(محسن نقوی)


رُوح

 

[مزمل حسین]

رکھتا نہ کیوں میں روح و بدن اس کے سامنے؟
وہ یوں بھی تھا طبیب، وہ یوں بھی طبیب تھا...(عبید اللہ علیم)
بدن

 

[شمشاد]

سنا ہے اس کے بدن کی تراش ایسی ہے​

کہ پھول اپنی قبائیں کتر کےدیکھتے ہیں
(فراز)


پھول

 

[مزمل حسین]

پھول کی پتی سے کٹ سکتا ہے ہیرے کا جگر
مرداں ناداں پہ کلام نرم و نازک بے اثر
نرم

 

[شمشاد]

جمع کیا ضدّین کو تم نے، سختی ایسی، نرمی ایسی​

موم بدن ہے، دل ہے آہن، ماشاء اللہ! ماشاء اللہ!
(امیر مینائی)

موم

 

[عمر سیف]

آنکھوں میں رہا دل میں اتر کر نہیں دیکھا
کشتی کے مسافر نے سمندر نہیں دیکھا
پتھر مجھے کہتا ہے میرا چاہنے والا
میں موم ہوں اُس نے مجھے چُھو کر نہیں دیکھا

مسافر