دیئے گئے لفظ پر شاعری - دوسرا دور

[گُلِ یاسمیں]

زنجیر

عشق نے جکڑا ہے مجھ کو اس کڑی زنجیر سے
جس کے حلقے کھل نہیں سکتے کسی تدبیر سے
اور ہی کچھ ہو شب فرقت کے کٹنے کی سبیل
دل تصور سے بہلتا ہے نہ اب تصویر سے

پیر نصیر الدین نصیر

 

[گُلِ یاسمیں]

یہ فتنہ آدمی کی خانہ ویرانی کو کیا کم ہے
ہوئے تم دوست جس کے دشمن اس کا آسماں کیوں ہو
مرزا غالب

اگلا لفظ بھی دیجیے فوزیہ افضل

 

[گُلِ یاسمیں]

حصار

دِل کو حصارِ رنج و اَلم سے نکال بھی
کب سے بِکھر رہا ہوں مجھے اب سنبھال بھی
آہٹ سی اُس حسین کی ہر سُو تھی‘ وہ نہ تھا
ہم کو خوشی کے ساتھ رہا اِک ملال بھی

ملال

 

[فوزیہ افضل]

خود کلامی میں کتنی وحشت ہے
کوئی دشمن ہو روبرو جیسے !!
جون ایلیا

خود کلامی

تعجب ان کو ہے کیوں میری خود کلامی پر
ہر آدمی کا کوئی رازداں ضروری ہے

آدمی

 

[فوزیہ افضل]

اگلا لفظ بھی دیجیے فوزیہ افضل

دِل کو حصارِ رنج و اَلم سے نکال بھی
کب سے بِکھر رہا ہوں مجھے اب سنبھال بھی
آہٹ سی اُس حسین کی ہر سُو تھی‘ وہ نہ تھا
ہم کو خوشی کے ساتھ رہا اِک ملال بھی

ملال

کچھ تو ہوا بھی سرد تھی کچھ تھا تیرا خیال بھی
دل کو خوشی کے ساتھ ساتھ ہوتا رہا ملال بھی
پروین شاکر

خوشی

 

[گُلِ یاسمیں]

آدمی

وقت رہتا نہیں کہیں ٹک کر
عادت اس کی بھی آدمی سی ہے
گلزار

عادت

 

[فوزیہ افضل]

وقت رہتا نہیں کہیں ٹک کر
عادت اس کی بھی آدمی سی ہے
گلزار

عادت

عادت ہی بنا لی تم نے تو منیر اپنی
جس شہر میں بھی رہنا اکتائے ہوئے رہنا
منیر نیازی

شہر

 

[گُلِ یاسمیں]

خوشی

خوشی محسوس کرتا ہوں نہ غم محسوس کرتا ہوں
مگر ہاں دل میں کچھ کچھ زیر و بم محسوس کرتا ہوں
بہزاد لکھنوی

زیر و بم

 

[گُلِ یاسمیں]

شہر

نئے کپڑے بدل کر جاؤں کہاں اور بال بناؤں کس کے لیے
وہ شخص تو شہر ہی چھوڑ گیا میں باہر جاؤں کس کے لیے

جس دھوپ کی دل میں ٹھنڈک تھی وہ دھوپ اسی کے ساتھ گئی
ان جلتی بلتی گلیوں میں اب خاک اڑاؤں کس کے لیے
ناصر کاظمی

ٹھنڈک

 

[فوزیہ افضل]

خوشی محسوس کرتا ہوں نہ غم محسوس کرتا ہوں
مگر ہاں دل میں کچھ کچھ زیر و بم محسوس کرتا ہوں
بہزاد لکھنوی

زیر و بم

زہر و بم سے ساز خلقت کے جہاں بنتا گیا
یہ زمیں بنتی گئی یہ آسماں بنتا گیا
داستان جور بے حد خوں سے لکھتا رہا
قطرہ قطرہ اشک غم کا بے کراں بنتا گیا
فراق گورکھپوری

داستان

 

[فوزیہ افضل]

نئے کپڑے بدل کر جاؤں کہاں اور بال بناؤں کس کے لیے
وہ شخص تو شہر ہی چھوڑ گیا میں باہر جاؤں کس کے لیے

جس دھوپ کی دل میں ٹھنڈک تھی وہ دھوپ اسی کے ساتھ گئی
ان جلتی بلتی گلیوں میں اب خاک اڑاؤں کس کے لیے
ناصر کاظمی

ٹھنڈک

گلوں کو خار کہتے ہیں خلش کو شبنمی ٹھنڈک
اشارہ اور ہی کچھ ہے غزل کی یہ نزاکت ہے

خار

 

[گُلِ یاسمیں]

داستان

داستان غم دل ان کو سنائی نہ گئی
بات بگڑی تھی کچھ ایسی کہ بنائی نہ گئی
جگر مراد آبادی

غم

 

[فوزیہ افضل]

داستان غم دل ان کو سنائی نہ گئی
بات بگڑی تھی کچھ ایسی کہ بنائی نہ گئی
جگر مراد آبادی

غم

غم ہی ایسا تھا کہ دل شق ہو گیا ورنہ فراز
کیسے کیسے حادثے ہنس ہنس کے جانا پڑے
احمد فراز


حادثہ ،حادثے

 

[گُلِ یاسمیں]

خار

کبھی شاخ و سبزہ و برگ پر کبھی غنچہ و گل و خار پر
میں چمن میں چاہے جہاں رہوں مرا حق ہے فصلِ بہار پر

فصل بہار

 

[صاد الف]

بلبل کو باغباں سے نہ صیاد سے گلہ
قسمت میں قید لکھی تھی فصل بہار میں
بہادر شاہ ظفر

صیاد

 

[گُلِ یاسمیں]

صیاد

ہم کہ منت کشِ صیاد نہیں ہونے کے
وہ جو چاہے بھی تو آزاد نہیں ہونے کے

دیکھ آ کر کبھی ان کو بھی جو تیرے ہاتھوں
ایسے اُجڑے ہیں کہ آباد نہیں ہونے کے

آزاد

 

[فوزیہ افضل]

ہم کہ منت کشِ صیاد نہیں ہونے کے
وہ جو چاہے بھی تو آزاد نہیں ہونے کے

دیکھ آ کر کبھی ان کو بھی جو تیرے ہاتھوں
ایسے اُجڑے ہیں کہ آباد نہیں ہونے کے

آزاد

سوز غم دے کے مجھے اس نے ارشاد کیا
جا تجھے کشمکش دہر سے آزاد کیا
وہ کریں بھی تو کن الفاظ میں تیرا شکوہ
جن کو تیری نگاہ لطف نے برباد کیا
جوش ملیح آبادی

شکوہ

 

[سیما علی]

ہم کہ منت کشِ صیاد نہیں ہونے کے
وہ جو چاہے بھی تو آزاد نہیں ہونے کے

دیکھ آ کر کبھی ان کو بھی جو تیرے ہاتھوں
ایسے اُجڑے ہیں کہ آباد نہیں ہونے کے

آزاد

میری آنکھوں کی التجاؤں کو
آپ شکوہ سمجھ کے بھول گئے

یاد، میری بلا کرے ان کو
وہ مجھے کیا سمجھ کے بھول گئے!

یوں تو غیروں پہ بھی عنایت ہے
مجھ کو اپنا سمجھ کے بھول گئے
شیکب جلالی

عنایت

 

[گُلِ یاسمیں]

شکوہ

کروں کیا غیر کا شکوہ یہ خوبی اپنی قسمت کی
جو اُس بیدرد ظالم نے محبت میں عداوت کی

عداوت

 

[گُلِ یاسمیں]

عنایت

نہ سہی اور پر اتنی تو عنایت کرتے
اپنے مہمان کو ہنستے ہوئے رخصت کرتے
مبہم الفاظ میں ہم نے تجھے کیا لکھا ہے
تو کبھی روبرو آتا تو وضاحت کرتے
ھم نے غم کو بھی محبت کا تسلسل جانا
ہم کوئی تم تھے کہ دنیا سے شکایت کرتے

تسلسل