دھرتی دا اِک ٹوٹا ہووے

عدنان عمر نے 'پنجابی فورم' کی ذیل میں اس موضوع کا آغاز کیا، ‏اکتوبر 30, 2019

  1. عدنان عمر

    عدنان عمر محفلین

    مراسلے:
    205
    جھنڈا:
    Pakistan
    موڈ:
    Volatile
    دھرتی دا اِک ٹوٹا ہووے


    دھرتی دا اِک ٹوٹا ہووے
    ڈاہڈا سوہنا، ڈاہڈا چنگا
    قدم قدم ہریالی ہووے
    ہر پاسے خوشحالی ہووے
    خوشیاں ہوون
    ہاسے ہوون
    پیار کرن دی سدھّر ہووے
    اِک دوجے دی ہمدردی دے گہنے پا کے
    اِک دوجے دے دکھ ونڈن دیاں قسماں کھا کے
    پنڈاں دے وچ، شہراں دے وچ
    قدم قدم تے میلے لگّن
    ساہواں دے وچ خوشیاں وسّن
    کوئی کسے دا حق نہ مارے
    کوئی کسے نال ویر نہ وٹّے
    ہر بندے نوں زندہ رہن دا حق ہووے تے
    ہر چہرے تے سچ دا چانن ڈھلکاں مارے
    ایہہ اِک سدھّر، ایہہ اِک خواہش
    خورے کدی تے پوری ہووے
    خورے کدی ایہہ سورج چمکے
    جیس دی لو وچ
    غرض ہنیری حرص دے جھکڑ
    جھوٹ دی کالک
    سب کجھ سڑ کے سواہ ہو جاووے
    پیاراں دے چانن وچ لشکے
    دھرتی دا ایہہ ٹوٹا
    ڈاہڈا سوہنا، ڈاہڈا چنگا


    شاعرہ: ہجویری بھٹی
    کتاب: سدھّر، ساہ تے سورج
     
    • زبردست زبردست × 2
  2. عدنان عمر

    عدنان عمر محفلین

    مراسلے:
    205
    جھنڈا:
    Pakistan
    موڈ:
    Volatile
    منو بھائی نے وی اپنی ایس نظم وچ کجھ ایسے طراں دی گل کیتی اے۔


    یوٹوپیا

    جی چاہندا اے موت توں پہلاں
    ایسا نگر میں ویکھاں
    جس دے باسی اک دوجے نال
    ذرا نہ نفرت کردے ہون
    جس دے حاکم زر دے پچھے
    سپّاں وانگ نہ لڑ دے ہون
    جتھے لوکی مرن توں پہلاں
    روز روز نہ مردے ہون
     
    • زبردست زبردست × 2
    • پسندیدہ پسندیدہ × 1

اس صفحے کی تشہیر