فلک شیر
محفلین
----- دو سنگی -----
جھلیا ایویں اڑی نہ کر
سر سٹ تے کھوپے چاڑھ لے
ٹکی چڑھی تیک اساں شٹالا گڈناں
فیر ای سانوں بھتہ لبھناں
دو گْلیاں تے مْٹھ پٹھیاں دی
کھا کے آپاں اگالی پیناں
اکی دوجے نوں چہلاں کرنیاں
حقے دی واری لانی اے
تے پوچھل ہلانی اے
چودھری راضی ہو پیا
تاں پاء جلیب تے ونڈا وی لبھے گا
فکر نہ کر، مینوں چودھری آپ آکھیا سی
آ چار دہاڑے اوکھے سوکھے کڈھ لؤ
ایہ پچھلا پائیہ سولنگ ہو جانا
تے ساڈی اوکھ کٹی جانی اے
راتی میں ٹی وی ویکھدا ساں پیا
اوہ وی ایہو گل دسدے ہن
میں اْنج ویکھدا ویکھدا سوں گیا ساں
اوتھوں اٹھ کے تیرے ول آیا وی ہاں
بھئی دھمی تکڑا رہویں
میں تے توں شٹالا گڈناں
تاں ای سانوں بھتہ لبھناں
پر توں وی اکھیں نْوٹی بیٹھا سیں
ہن دینہ جو چڑھیا
تے ضد نہ کر ، اک واری فیر
سر سٹ تے کھوپے چاڑھ لے
فلک شیر چیمہ
جھلیا ایویں اڑی نہ کر
سر سٹ تے کھوپے چاڑھ لے
ٹکی چڑھی تیک اساں شٹالا گڈناں
فیر ای سانوں بھتہ لبھناں
دو گْلیاں تے مْٹھ پٹھیاں دی
کھا کے آپاں اگالی پیناں
اکی دوجے نوں چہلاں کرنیاں
حقے دی واری لانی اے
تے پوچھل ہلانی اے
چودھری راضی ہو پیا
تاں پاء جلیب تے ونڈا وی لبھے گا
فکر نہ کر، مینوں چودھری آپ آکھیا سی
آ چار دہاڑے اوکھے سوکھے کڈھ لؤ
ایہ پچھلا پائیہ سولنگ ہو جانا
تے ساڈی اوکھ کٹی جانی اے
راتی میں ٹی وی ویکھدا ساں پیا
اوہ وی ایہو گل دسدے ہن
میں اْنج ویکھدا ویکھدا سوں گیا ساں
اوتھوں اٹھ کے تیرے ول آیا وی ہاں
بھئی دھمی تکڑا رہویں
میں تے توں شٹالا گڈناں
تاں ای سانوں بھتہ لبھناں
پر توں وی اکھیں نْوٹی بیٹھا سیں
ہن دینہ جو چڑھیا
تے ضد نہ کر ، اک واری فیر
سر سٹ تے کھوپے چاڑھ لے
فلک شیر چیمہ
