دوستو! یُوں بھی نہ رکھو خُم و پیمانہ کُھلے
چند ہی روز ہوئے ہیں ابھی مئے خانہ کُھلے
اِک ذرا رنگ پہ آئے تو سہی جوشِ بہار
اِک ذرا ڈھنگ کا موسم ہو تو دیوانہ کُھلے
جِس کے ہِجراں میں کتابوں پہ کتابیں لِکھ دیں
اُس پہ گر حال ہمارا نہیں کُھلتا، نہ کُھلے
ہم تو سچ مُچ کے ہی کِردار سمجھ بیٹھے تھے
لوگ آخر کو کہیں صُورتِ افسانہ کُھلے
جانے یہ پیار سِکھاتے ہیں کہ اِنکار، فرازؔ
ہم پہ بُت خانہ و کعبہ و کلیسہ نہ کُھلے
چند ہی روز ہوئے ہیں ابھی مئے خانہ کُھلے
اِک ذرا رنگ پہ آئے تو سہی جوشِ بہار
اِک ذرا ڈھنگ کا موسم ہو تو دیوانہ کُھلے
جِس کے ہِجراں میں کتابوں پہ کتابیں لِکھ دیں
اُس پہ گر حال ہمارا نہیں کُھلتا، نہ کُھلے
ہم تو سچ مُچ کے ہی کِردار سمجھ بیٹھے تھے
لوگ آخر کو کہیں صُورتِ افسانہ کُھلے
جانے یہ پیار سِکھاتے ہیں کہ اِنکار، فرازؔ
ہم پہ بُت خانہ و کعبہ و کلیسہ نہ کُھلے