دنیا برائے اصلاح

[ارشد چوہدری]

بحر ٭٭ متقارب مثمن سالم (فعولن فعولن فعولن فعولن )
٭٭٭٭٭٭٭٭٭٭٭٭٭٭٭٭٭٭٭٭٭٭
محبّت کے رستے میں آئے گی دنیا
تجھے تو بہت ہی ستائے گی دنیا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
محبّت کی دشمن ہے دنیا سدا سے
بہت ہی تجھے یہ رُلائے گی دنیا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اگر حق کی راہوں پہ چلتے رہو گے
یہ رستے میں تیرے تو آئے گی دنیا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اگر ساتھ مانگو گے دنیا سے تم تو
کبھی کام تیرے نہ آئے گی دنیا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جب کوئی بھی مطلب ہو دنیا کو تجھ سے
جو روٹھے ہو تم تو منائے گی دنیا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
یہاں حق پہ چلنا ہے مشکل بہت ہی
یہ رستے میں ٹانگیں اڑائے گی دنیا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
نہ بہنا تم ارشد زمانے کی رو میں
جو حق پر چلو گے چلّائے گی دنیا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

 

[ارشد چوہدری]

الف عین

 

[الف عین]

ابھی بھی بھرتی کے الفاظ سے دامن نہیں بچا سکے
محبّت کے رستے میں آئے گی دنیا
تجھے تو بہت ہی ستائے گی دنیا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ تو بھرتی کا ہے۔ اور صرف تجھے ہی کیوں، مجھے نہیں ستا سکتی؟

محبّت کی دشمن ہے دنیا سدا سے
بہت ہی تجھے یہ رُلائے گی دنیا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ٹھیک

اگر حق کی راہوں پہ چلتے رہو گے
یہ رستے میں تیرے تو آئے گی دنیا
۔۔۔۔۔۔۔۔۔۔۔۔۔۔۔۔۔۔۔۔۔۔۔ شتر گربہ. بھرتی کا لفظ ہے '' تو''

اگر ساتھ مانگو گے دنیا سے تم تو
کبھی کام تیرے نہ آئے گی دنیا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ شتر گربہ

جب کوئی بھی مطلب ہو دنیا کو تجھ سے
جو روٹھے ہو تم تو منائے گی دنیا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔شتر گربہ پہلا مصرع خارج از بحر

یہاں حق پہ چلنا ہے مشکل بہت ہی
یہ رستے میں ٹانگیں اڑائے گی دنیا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ بھرتی 'یہ'

نہ بہنا تم ارشد زمانے کی رو میں
جو حق پر چلو گے چلّائے گی دنیا
۔۔۔۔۔۔ چلّائے گی؟ قافیہ بحر میں نہیں آتا

 

[ارشد چوہدری]

تبدیلیوں کے بعد
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
محبٗت کے رستے میں آئے گی دنیا
مجھے یہ بہت ہی ستائے گی دنیا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
محبّت کی دشمن ہے دنیا سدا سے
بہت ہی تجھے یہ رُلائے گی دنیا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اگر حق کی راہوں پہ چلتے رہو گے
ہمیشہ یہ رستے میں آئے گی دنیا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اگر ساتھ مانگو گے دنیا سے اپنا
کبھی کام تیرے نہ آئے گی دنیا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ہو مطلب جو دنیا کو کوئی بھی اپنا
اگر تم ہو روٹھے منائے گی دنیا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
یہاں حق پہ چلنا تو آساں نہیں ہے
یہی رستہ مشکل بنائے گی دنیا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
نہ بہنا تم ارشد زمانے کی رو میں
تمہیں رو میں اپنی بہائے گی دنیا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

 

[ارشد چوہدری]

الف عین

 

[الف عین]

اب کچھ بہتر ہے مگر میں نے لکھا تھا

جب کوئی بھی مطلب ہو دنیا کو تجھ سے
جو روٹھے ہو تم تو منائے گی دنیا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔شتر گربہ

 

[ارشد چوہدری]

وہ شعر تبدیل کر دیا ہے دوبارہ چیک کر لیں

 

[ارشد چوہدری]

الف عین

 

[الف عین]

اب غنیمت ہے