دل کو پھر کاکل میں الجھاتے ہیں ہم - نواب سید محمد خاں، رند

[کاشفی]

غزل​

(نواب سید محمد خاں، رند)​

​

دل کو پھر کاکل میں الجھاتے ہیں ہم​

سر پہ پھر روز سیہ لاتے ہیں ہم​

​

اے اجل آچک خدا کے واسطے​

زندگی سے اب تو گھبراتے ہیں ہم​

​

کل کہہ آئے تھے نہ آوینگے کبھی​

بن بلائے آج پھر جاتے ہیں ہم​

​

ہم پہ بہتاں اور کی الفت کا ہے​

لے ترے سر کی قسم کھاتے ہیں ہم​

​

رند جب ملتے ہیں وہ تنہا کبھی​

دوڑ کر اُن سے لپٹ جاتے ہیں ہم​

​

مسکرا کر کہتے ہیں وہ ناز سے​

بس انہیں باتوں سے گھبراتے ہیں ہم​

 

[محمد وارث]

شکریہ جناب خوبصورت غزل شیئر کرنے کیلیے۔

 

[کاشفی]

محمد وارث صاحب، محمد امین فہیم بھائی اور فرخ منظور صاحب۔ آپ تینوں کا بیحد شکریہ۔۔خوش رہیں۔