نور وجدان
لائبریرین
دل دے اندر خانہ کعبہ، ساڈا ہویا گھر وِچ حَج
آپ اِمام تے آپ نمازی، آپے بانگاں دیواں اَج
نیڑے آ کے ویہڑے ساڈے وَسنا ای تے وَس
چمکاں مار نہ دُوروں سانُوں، اینویں نہ پیا گَج
تیرا اِک علاج میں دَسّاں، جا کے شِیشہ ویخ
اپنا کُجھ تے نظر نہ آوے، سانُوں دَسنا ایں بَج
آپے لاوے عِشق عدالت، آپے پھائیاں پاوے
آپ وکیل تے آپے مُلزم، آپے بَنیا اپنا جَج
لَے میں پنجواں بال کے چَلّی، رکِھیں میرِیاں شَرماں
تُوں لجپال سداؤندا واصفؔ، پالِیں میری لَج
واصف علی واصفؔ
آپ اِمام تے آپ نمازی، آپے بانگاں دیواں اَج
نیڑے آ کے ویہڑے ساڈے وَسنا ای تے وَس
چمکاں مار نہ دُوروں سانُوں، اینویں نہ پیا گَج
تیرا اِک علاج میں دَسّاں، جا کے شِیشہ ویخ
اپنا کُجھ تے نظر نہ آوے، سانُوں دَسنا ایں بَج
آپے لاوے عِشق عدالت، آپے پھائیاں پاوے
آپ وکیل تے آپے مُلزم، آپے بَنیا اپنا جَج
لَے میں پنجواں بال کے چَلّی، رکِھیں میرِیاں شَرماں
تُوں لجپال سداؤندا واصفؔ، پالِیں میری لَج
واصف علی واصفؔ