عبد الرحمٰن
محفلین
حکومتوں کا مزاج بدلا ، عبادتوں کا نظام بدلا
جنابِ ختم الرسل ﷺ كے آنے سے رنگِ ہر خاص وعام بدلا
چلا جو فاراں كى رفعتوں سے وہ زندگی كى ہوا كا جھونکا
نگر نگر انقلاب لایا ، چمن چمن انتظام بدلا
حِرا كى تنہائيوں سے اٹھا وہ آفتابِ حيات بن كر
اُسى سے احساسِ صبح جاگا ، اُسی سے اندازِ شام بدلا
پيامِ عرفانِ ذات آیا ، سُراغِ راہِ نجات لایا
رُسوم بدلیں ، رِواج بدلا، سماج كا اِنتِظام بدلا
جمالِ آداب كا نمونہ ، كمالِ اخلاق كا پيَمبر
اُسى نے ذَوقِ سلیم بخشا ، اُسی نے طرزِ كلام بدلا
حُنَين و طائِف كى وادیاں اُس كے دَم سے گل زار ہو گئی ہيں
وہ رَحمتوں كا سحاب برسا ، قرينہءِ انتِقام بدلا
غُرورِ نسل و وطن مٹا كر عُروجِ سیرت كا حُسن بخشا
اسی نے ذوقِ خواص بدلا ، اسى نے رنگِ عوام بدلا
اللهم صل على سيدنا محمد النبي الأمي
وعلى آلہ وازواجہ واھل بیتہ واصحٰبہ وبارك وسلم
اللھم ربّنا آمین
جنابِ ختم الرسل ﷺ كے آنے سے رنگِ ہر خاص وعام بدلا
چلا جو فاراں كى رفعتوں سے وہ زندگی كى ہوا كا جھونکا
نگر نگر انقلاب لایا ، چمن چمن انتظام بدلا
حِرا كى تنہائيوں سے اٹھا وہ آفتابِ حيات بن كر
اُسى سے احساسِ صبح جاگا ، اُسی سے اندازِ شام بدلا
پيامِ عرفانِ ذات آیا ، سُراغِ راہِ نجات لایا
رُسوم بدلیں ، رِواج بدلا، سماج كا اِنتِظام بدلا
جمالِ آداب كا نمونہ ، كمالِ اخلاق كا پيَمبر
اُسى نے ذَوقِ سلیم بخشا ، اُسی نے طرزِ كلام بدلا
حُنَين و طائِف كى وادیاں اُس كے دَم سے گل زار ہو گئی ہيں
وہ رَحمتوں كا سحاب برسا ، قرينہءِ انتِقام بدلا
غُرورِ نسل و وطن مٹا كر عُروجِ سیرت كا حُسن بخشا
اسی نے ذوقِ خواص بدلا ، اسى نے رنگِ عوام بدلا
اللهم صل على سيدنا محمد النبي الأمي
وعلى آلہ وازواجہ واھل بیتہ واصحٰبہ وبارك وسلم
اللھم ربّنا آمین
