حفیظ ہوشیارپوری حفیظ ہوشیارپوری " آج اُنہیں کچھ اِس طرح جی کھول کے دیکھا کئے "

[طارق شاہ]

غزل​

حفیظ ہوشیارپوری​

​

آج اُنہیں کچھ اِس طرح جی کھول کر دیکھا کئے​

ایک ہی لمحے میں، جیسے عمْر بھر دیکھا کئے ​

​

دل اگر بیتاب ہے، دل کا مُقدّر ہے یہی ​

جس قدر تھی ہم کو توفیقِ نظر دیکھا کئے ​

​

خود فروشانہ ادا تھی میری صورت دیکھنا ​

اپنے ہی جلوے، بہ اندازِ دِگر دیکھا کئے ​

​

نا شناسِ غم فقط دادِ ہُنر دیتے رہے ​

ہم متاعِ غم کو رُسوائے ہُنر دیکھا کئے ​

​

دیکھنے کا اب یہ عالم ہے، کوئی ہو یا نہ ہو ​

ہم جدھر دیکھا کئے، پہروں اُدھر دیکھا کئے​

​

حُسن کو دیکھا ہے ہم نے، حُسن کی خاطر حفیظ ​

ورنہ سب اپنا ہی معیارِ نظر دیکھا کئے​

​

حفیظ ہوشیارپوری​

 

[سید زبیر]

نا شناسِ غم فقط دادِ ہُنر دیتے رہے
ہم متاعِ غم کو رُسوائے ہُنر دیکھا کئے
واہ ۔ ۔ بہت خوب بھائی ! بہت عمدہ کلام پیش کیا ہے ۔ ۔۔ ۔جزاک اللہ

 

[طارق شاہ]

نا شناسِ غم فقط دادِ ہُنر دیتے رہے
ہم متاعِ غم کو رُسوائے ہُنر دیکھا کئے
واہ ۔ ۔ بہت خوب بھائی ! بہت عمدہ کلام پیش کیا ہے ۔ ۔۔ ۔جزاک اللہ

بہت ممنون ہوں اس اظہار خیال پر بھائی
خوشی کا باعث ہوا یہ جاننا، کہ غزل آپ کو پسند آئی
تشکّر
بہت شاداں و فرحاں رہیں

 

[سمير خان]

واہ ۔ ۔ بہت خوب بھائی !

 

[طارق شاہ]

واہ ۔ ۔ بہت خوب بھائی !

شکریہ برادرِعزیز!
اظہار خیال اور داد کے لئے متشکّر ہوں
بہت خوش رہیں

 

[کاشفی]

واہ واہ واہ۔ بہت ہی عمدہ طارق صاحب!​

آج اُنہیں کچھ اس طرح جی کھول کر دیکھا کئے​

ایک ہی لمحے میں، جیسے عمر بھر دیکھا کئے​

 

[طارق شاہ]

واہ واہ واہ۔ بہت ہی عمدہ طارق صاحب!​

آج اُنہیں کچھ اس طرح جی کھول کر دیکھا کئے​

ایک ہی لمحے میں، جیسے عمر بھر دیکھا کئے​

کاشفی صاحب!
انتخاب کی داد کے لئے تشکّر
پسند آنا باعثِ مسرت ہوا
اظہارِ خیال پر ممنون ہوں
بہت خوش رہیں