جینا ، مرنا

[عبدالرحمن آزاد]

ایسے اشعار جس میں لفظ جینا مرنا آتا ہو،

مرنا تو اس جہاں میں کوئی حادثہ نہیں
اس دور ناگوار میں جینا کمال ہے

 

[محمد تابش صدیقی]

کون سا زیست میں وہ تلخ مزا ہے کہ نہیں
ایسے جینے سے تو مرنا ہی بھلا ہے کہ نہیں
نظرؔ لکھنوی

 

[محمد تابش صدیقی]

نشاطِ زندگی منت پذیرِ مرگ ہے یعنی
نہ مرنا ہو تو جینے ہی سے دل بیزار ہو جائے
نظرؔ لکھنوی

 

[محمد تابش صدیقی]

یہ مصرع کاش نقشِ ہر در و دیوار ہو جائے
جسے جینا ہو مرنے کے لیے تیار ہو جائے
جگر مراد آبادی

 

[زیرک]

ابتدا وہ تھی کہ جینا تھا محبت میں محال
انتہا یہ ہے کہ اب مرنا بھی مشکل ہو گیا​

 

[زیرک]

سوزِ فِراقِ یار میں مرنا نہیں کمال
مر مر کے ہجرِ یار میں جینا کمال ہے​

 

[عبدالرحمن آزاد]

جینا تو الگ بات ہے مرنا بھی یہاں پر
ہر شخص کی اپنی ہی ضرورت کے لیے ہے
خاور جیلانی

 

[زیرک]

مرنا تو بہت سہل سی اک بات لگے ہے
جینا ہی محبت میں کرامات لگے ہے
کلیم عاجز​

 

[زیرک]

جو مانگتے ہیں دعائیں عمرِ دراز کی
انہیں سمجھاؤ کہ جینا کوئی مذاق نہیں​

 

[عبدالرحمن آزاد]

یہ اگر سچ ہے کہ مجھ کو عشق کرنا آ گیا
تو سمجھ لو روز جینا روز مرنا آ گیا

 

[زیرک]

کتنا آساں تھا تِرے ہجر میں مرنا جاناں
پھر بھی اک عمر لگی جان سے جاتے جاتے
احمد فراز​

 

[عبدالرحمن آزاد]

واااہ کیا بات ہے

کتنا آساں تھا تِرے ہجر میں مرنا جاناں
پھر بھی اک عمر لگی جان سے جاتے جاتے
احمد فراز​

وااااہ کیا بات ہے زیرک بھاٸی بہت خوب

 

[فہد اشرف]

ہوس کو ہے نشاطِ کار کیا کیا
نہ ہو مرنا تو جینے کا مزا کیا
غالب

 

[زیرک]

یہ جو دل میں قیام کرتے ہیں
یہی جینا حرام کرتے ہیں​

 

[زیرک]

منا رہا ہوں ترے بعد برسیاں اپنی
کہ جی لیا تھا ترے ساتھ جتنا جینا تھا​

 

[عبدالرحمن آزاد]

مرنا عذاب تھا کبھی جینا عذاب تھا
میرا مشیر عشق سا خانہ خراب تھا

 

[زیرک]

یا ابرِ کرم بن کے برس خشک زمیں پر
یا پیاس کے صحرا میں مجھے جینا سکھا دے
وزیر آغا​

 

[زیرک]

ترے سلوک کا غم صبح و شام کیا کرتے
ذرا سی بات پہ جینا حرام کیا کرتے
رئیس صدیقی​

 

[زیرک]

ابتدا وہ تھی کہ جینا تھا محبت میں محال
انتہا یہ ہے کہ اب مرنا بھی مشکل ہو گیا
جگر مراد آبادی​

 

[عبدالرحمن آزاد]

جینا تڑپ تڑپ کر مرنا سسک سسک کر
فریاد ایک جی ہے کیا کیا خرابیوں میں
سراج اورنگ آبادی