1. اردو محفل سالگرہ شانزدہم

    اردو محفل کی سولہویں سالگرہ کے موقع پر تمام اردو طبقہ و محفلین کو دلی مبارکباد!

    اعلان ختم کریں

جنرل باجوہ کی صحافیوں سے ملاقات؛ باجوہ ڈاکٹرائن کا تسلسل

جاسم محمد نے 'صحافت' کی ذیل میں اس موضوع کا آغاز کیا، ‏مئی 4, 2021

  1. جاسم محمد

    جاسم محمد محفلین

    مراسلے:
    30,987
    ملک اب بدلے گا
    جاوید چوہدری جمعرات 29 اپريل 2021


    میاں نواز شریف 19 نومبر 2019 کو علاج کے لیے لندن چلے گئے‘ ملک میں آج بھی یہ تاثر ہے یہ ڈیل کے ذریعے باہر گئے ہیں اور یہ ڈیل اسٹیبلشمنٹ نے حکومت کی مرضی کے بغیر کی تھی‘ یہ تاثر جمعہ 23 اپریل کی رات سینئر صحافیوں کے سامنے زائل کر دیا گیا۔

    ہمیں بتایا گیا میاں نواز شریف کو فوج نے باہر نہیں بھجوایا تھا‘ یہ فیصلہ خالصتاً عدلیہ اور حکومت کا تھا تاہم یہ درست ہے وزیراعظم نے آرمی چیف جنرل قمر جاوید باجوہ سے رائے لی تھی اور انھوں نے ان سے کہا تھا‘ آپ کے پاس دو آپشن ہیں۔

    آپ میاں نواز شریف کو علاج کے لیے جانے دیں اور عوام کی طرف سے برا بھلا سنیں یا پھر اگر خدانخواستہ انھیں جیل میں کچھ ہو جاتا ہے تو ایک اور بھٹو برداشت کریں لیکن فیصلہ بہرحال آپ نے کرنا ہے اور یہ فیصلہ وزیراعظم نے کیا‘ کابینہ میں تین وزراء کے علاوہ تمام وزیر نواز شریف کو باہر بھجوانے کے حق میں تھے‘ یہ تمام یہ کہتے رہے‘ جانے دیں جان چھڑائیں‘یہ بھی بتایا گیا فوجی قیادت نے سابق چیف جسٹس آف پاکستان سے ان کے حلف کی تقریب کے بعد درخواست کی تھی۔

    سیکیورٹی اداروں کی حراست میں موجود لوگوں کے لیے سپریم کورٹ کوئی قانونی راستہ نکال دے‘ پولیس بھی انھیں قبول کرنے کے لیے تیار نہیں اور قبائلی علاقوں میں سول انتظامیہ نہیں ہے‘ ہم کیا کریں، ہمیں سمجھ نہیں آ رہی‘ چیف جسٹس نے جواب دیا‘ ہمارے پاس بھی کوئی قانونی گنجائش موجود نہیں‘ آپ اگر انھیں یہاں لے آئے تو نیا قانونی بحران پیدا ہو جائے گا‘ آپ ان کے بارے میں خود فیصلہ کریں چناں چہ سیکیورٹی ادارے ان لوگوں کو اپنے پاس رکھ کر عدلیہ اور حکومت کی طرف دیکھ رہے ہیں۔

    یہ بھی بتایا گیا سابق وزیرخزانہ اسحاق ڈار نے سرکاری اعدادوشمار میں جعل سازی (فورجری) کی تھی‘سابق حکومت بینکوں سے قرضے لے کر 5 اعشاریہ 8 فیصد گروتھ دکھاتی رہی‘ اسحاق ڈار سے جب ایک میٹنگ میں میٹروز کے بارے میں یہ پوچھا گیا’’ حکومت یہ قرضے اور خسارے کیسے پورے کرے گی؟ ‘‘تو انھوں نے دائیں بائیں چہرہ ہلا کر کہا ’’سر کچھ فیصلے سیاسی ہوتے ہیں‘‘ سابق دور حکومت میں ویسپا کمپنی پاکستان میں اسکوٹر سازی کا کارخانہ لگانا چاہتی تھی لیکن وزارت خزانہ نے کمپنی سے کمیشن مانگ لیا۔

    افغانستان میں نیٹو کے نمائندے اسٹیفنو پونٹے کاروو (Stefano Pontecorvo)نے الزام لگایا یہ رقم وزیر خزانہ نے مانگی تھی‘ یہ اطلاع وزیراعظم میاں نواز شریف کو دی گئی لیکن انھوں نے اسے سیریس نہیں لیا‘ یہ بھی بتایاگیا بھارت کے زعماء نے مذاکرات کے دوران پاکستانی افسروں سے درخواست کی‘ آپ ہماری کلبھوشن یادیو سے جان چھڑا دیں‘ یہ ہمارے لیے بوجھ ہے‘ آپ اگر یہ بوجھ ہٹا دیں گے تو یہ آپ کا احسان ہو گا لیکن کلبھوشن یادیو کی موت پاکستان کو سوٹ نہیں کرتی لہٰذا یہ زندہ ہے اور یہ زندہ رہے گا۔

    ایم این اے محسن داوڑ کے بارے میں بتایا گیا‘ یہ آرمی پبلک اسکول کا طالب علم رہا اور یہ ایک اڈے کی وجہ سے ریاست سے ناراض ہو گیا‘ یہ نظریاتی لڑائی نہیں لڑ رہا ‘ اڈے پر قبضے کی لڑائی لڑ رہا ہے‘ ایاز صادق نے 29 اکتوبر 2020کو ٹانگیں کانپنے کا بیان دیا تھا‘فوجی حلقوں نے اسے بہت برا محسوس کیا تھا‘ فوج نے انڈیا کے تین طیارے گرائے تھے‘ اگر ہماری ٹانگیں کانپتی تو ہم کبھی یہ نہ کرتے لیکن پاکستان نے پوری جرات کے ساتھ یہ کیا۔

    ہم نے جب بھارت کے پائلٹ ابھی نندن کو رہا کیا تو بھارت نے ایک دوست ملک کے ذریعے پاکستان کا شکریہ ادا کیا لیکن ایاز صادق نے یہ بیان دے کر فوج کا مورال اور دل دونوں توڑ دیے‘ آرمی چیف جنرل قمر جاوید باجوہ کو زندگی میں پہلی بار شدید غصہ آیا لیکن یہ اپنا غصہ پی گئے‘ تحریک لبیک پاکستان کے بارے میں بات ہوئی‘ یہ میاں نواز شریف نے علامہ طاہر القادری کا زور توڑنے کے لیے بنوائی تھی‘ ٹی ایل پی نے نومبر 2017 میں فیض آباد میں دھرنا دے دیا‘ یہ وزیر قانون پنجاب رانا ثناء اللہ کے اشارے پر اسلام آباد آئے تھے۔

    ٹی ایل پی شروع میں حکومت سے استعفیٰ مانگ رہی تھی‘ یہ پھر پوری کابینہ کے استعفے پر آ گئی‘ وزیراعظم شاہد خاقان عباسی نے فوج سے کہا ‘آپ ان کے ساتھ ڈیل کریں‘ پولیس ان پر ہاتھ نہیں ڈال رہی‘ فوجی قیادت نے وزیراعظم کو بتایا آپ نے ماڈل ٹاؤن کے ایشو پر پنجاب پولیس کو اکیلا چھوڑ کر پولیس کو ڈی مورلائز کر دیا تھا لہٰذا یہ اب حکومت کا حکم نہیں مان رہی‘ وزیراعظم کو مشورہ دیا گیا آپ وزراء کے استعفے نہ دیں کیوں کہ اگر ایک بار یہ روایت پڑ گئی تو پھر یہ روکی نہیں جا سکے گی۔

    اسٹیبلشمنٹ کو اس مسئلے میں اس لیے انوالو ہونا پڑا کہ وزیراعظم اور آرمی چیف نے فوجی مشقوں کے سلسلے میںسعودی عرب کا دورہ کرنا تھااور یہ ایشو اس دورے سے پہلے حل ہونا ضروری تھا ورنہ ملک کی جگ ہنسائی ہوتی چناں چہ ٹی ایل پی کے ساتھ تحریری معاہدہ کرنا پڑ گیا‘ شاہد خاقان عباسی امریکا میں اپنی ہمشیرہ کی عیادت کے لیے جانا چاہتے تھے‘ سابق وزیراعظم نے اپنا نام ای سی ایل سے نکلوانے کے لیے ملک کی اعلیٰ انٹیلی جنس ایجنسی سے رابطہ کیا اور اسٹیبلشمنٹ نے انھیں امریکا جانے کی اجازت لے کر دی‘یہ حکومت سے درخواست نہیں کرنا چاہتے تھے۔

    حکومت نے تینوں وزراء خزانہ اپنی مرضی سے لگائے اور انھیں فارغ کیا‘ اسٹیبلشمنٹ نے کوئی رائے نہیں دی‘ لاہور ہائی کورٹ کے 46 ججوں میں سے 35 میاں نواز شریف کے دور میں بھرتی ہوئے لہٰذا حکومتی ارکان اور اپوزیشن اس وجہ سے عدلیہ پر جانب داری کا الزام لگاتی ہے۔

    عدلیہ پر یہ الزامات نہیں لگنے چاہییں‘ پاکستان کے سیکیورٹی اداروں کو پتا چلا وزیراعظم آفس اور وزارت خارجہ کی اہم دستاویزات لیک ہو رہی ہیں‘ سیکیورٹی اداروں نے تحقیقات کیں‘ یہ بات درست نکلی‘ وزیراعظم آفس اور وزارت خارجہ کا سسٹم ’’ہیک‘‘ ہو چکا تھا‘ میٹنگز کے منٹس تک ملک سے باہر جا رہے تھے‘ یہ بھی پتا چلا ہماری معلومات بھارت بھی جا رہی ہیں‘ سیکیورٹی اداروں نے یہ سسٹم ٹھیک کیا اور یہ اب ’’فول پروف‘‘ ہو چکا ہے۔

    ملک کے معاشی اور سماجی حالات کے بارے میں بتایا گیا‘ چین کے وزیراعظم لی کی چیانگ نے وزیراعظم عمران خان سے کہا ہم کب تک آپ کی سب اسٹینڈرڈ چینی خریدتے رہیں گے‘ آپ چینی کے علاوہ کچھ کیوں نہیں بناتے؟ ہمیں یہ ماننا ہوگا ہم پروڈکشن میں بہت پیچھے ہیں‘ ویت نام اور بنگلہ دیش تک ہم سے آگے نکل گئے ہیں‘ ہمیں صنعت اور پیداوار پر توجہ دینی ہو گی‘ ہم نے ماضی میں غلطیاں کیں‘ جنرل ضیاء الحق سے بھی غلطی ہوئی اور جنرل پرویز مشرف نے بھی کوتاہی کی اور ہماری سیاسی قیادتیں بھی غلطیاں کرتی رہیں لیکن ہم اگر ان غلطیوں کو روتے رہے تو ہم آگے نہیں بڑھ سکیں گے۔

    ہم نے آگے بڑھنا ہے‘ یہ بھی بتایا گیا اسٹیبلشمنٹ کا ماضی میں افغانستان اور کشمیر پر موقف سخت ہوتا تھا‘ عوام‘ سیاست دان اور میڈیا تینوں اسٹیبلشمنٹ پر اعتراض کرتے تھے لیکن آج اسٹیبلشمنٹ خود یہ معاملات درست کرنا چاہتی ہے‘ ہم چاہتے ہیں ہم جنگوں اور تنازعوں سے نکل کر آگے بڑھیں لیکن ہماری نیت پر اب بھی شک کیا جاتا ہے‘ یہ رویہ ٹھیک نہیں‘ پاکستان میں آج بھی ایسے لوگ موجود ہیں جنہوں نے اپنی آنکھوں سے جنرل ایوب خان کا دور دیکھا تھا۔

    اس وقت سائیکل کی بتی نہ ہونے پر جرمانہ ہوتا تھا اور زیبرا کراس کے علاوہ سڑک پار کرنے کا تصور تک نہیں تھا‘ ہم ملک کو واپس اس جگہ لے جانا چاہتے ہیں‘ قانون کی حکمرانی ہو اور معاشرہ پھل پھول رہا ہو‘ یہ بھی بتایا گیا نواز شریف ملک دشمن نہیں ہیں‘ یہ محب وطن ہیں اور وہ موجودہ آرمی چیف کو بہت عزت دیتے تھے‘ فوج بھی ان کی عزت کرتی ہے لیکن جہاں تک ان کے کیسز کا معاملہ ہے یہ فیصلہ عدالتوں نے کرنا ہے‘ عمران خان کا ’’ورلڈ ویو‘‘ بہت اچھا ہے‘ یہ دنیا کے بڑے حکمرانوں کو بہت اچھی طرح ٹیکل کرتے ہیں۔

    یہ ڈونلڈ ٹرمپ سے ملنے گئے تو امریکا کی ساری کابینہ ان کے سامنے بیٹھی تھی‘ عمران خان نے گفتگو شروع کی تو تھوڑی دیر میں یوں محسوس ہو رہا تھا یہ امریکا کے صدر ہیں‘ ساری امریکی کابینہ ان کی کابینہ ہے اور ڈونلڈ ٹرمپ مہمان وزیراعظم ہیں‘ ہمیں مڈل ایسٹ کی تبدیلیوں کو بھی سمجھنا ہوگا‘ عرب ملکوں میں نوجوان اقتدار میں آ چکے ہیں‘ یہ اپنے بزرگوں سے مختلف ہیں‘ یہ دنیا کو تجارتی فائدے اور نقصان کی نظروں سے دیکھتے ہیں لہٰذا ہم اب زیادہ دیر تک ایک دوسرے کو بھائی بھائی نہیں کہہ سکیں گے۔

    ہمیں اپنی معاشی پوزیشن بڑھانی ہو گی‘ہم ہر سال چار ارب ڈالر کا پٹرول خریدتے ہیں اور انڈیا 40 ارب ڈالر کا ‘آپ خود سوچیں عرب ملکوں کو کس کے ساتھ تجارت میں فائدہ ہے لہٰذا ہمیں ماننا ہوگا‘ ہم اگر معاشی طاقت ہیں تو دنیا ہماری عزت کرے گی ورنہ دنیا میں کوئی ملک ہمیں سپورٹ نہیں کرے گا اور ہمیں یہ بھی بتایا گیا فوجی قیادت جنرل اشفاق پرویز کیانی کی بہت عزت کرتی ہے‘ جنرل کیانی نے جتنا کام کیا اتنا دس آرمی چیف مل کر بھی نہیں کر سکتے تھے‘ ملک جا رہا تھا‘ جنرل کیانی نے اسے بچایا اور یہ بھی بتایا گیا پاکستان اب پرانی ڈگر پر نہیں چل سکتا‘ ہمیں ماضی کو بھول کر آگے بڑھنا ہو گا اور اس کے لیے ہم سب کو مل کر کام کرنا ہوگا‘یہ ملک سب کا ہے اور یہ سب کی ذمے داری بھی ہے۔
     
  2. جاسم محمد

    جاسم محمد محفلین

    مراسلے:
    30,987
    اسحاق ڈالر کی چالاکیاں آرمی چیف نے بھی پکڑ لیں۔ اسی لئے تو ۲۰۱۷ میں ملک کا وزیر خزانہ ہوتے ہوئے ہی نواز بھگوڑے کی طرح بیماری کا بہانہ بنا کر لندن فرار ہو گیا تھا :)
     
  3. جاسم محمد

    جاسم محمد محفلین

    مراسلے:
    30,987
    ملک کی معیشت ڈبونے والا اس کا نامزد وزیر خزانہ اسحاق ڈالر بھی پھر محب وطن ہے۔ آرمی چیف کا ذہنی توازن ٹھیک نہیں لگتا۔
     
  4. جاسم محمد

    جاسم محمد محفلین

    مراسلے:
    30,987
    ایاز صادق کے پاس بھی جنرل باجوہ کی کوئی ویڈیو ہوگی
     
  5. جاسم محمد

    جاسم محمد محفلین

    مراسلے:
    30,987
    اور آج اسی تحریک لبیک کی وجہ سے پوری دنیا میں پاکستان کی بدنامی ہے۔ لیکن لیکن نواز شریف پھر بھی محب وطن ہے۔
     
  6. جاسم محمد

    جاسم محمد محفلین

    مراسلے:
    30,987
    اسی لئے شاہد خاقان عباسی کا کل بیان آیا کہ ان کو پولیس سے زیادہ فوج پر اعتبار ہے۔ ووٹ کو عزت اب نہیں دینا۔
     
  7. جاسم محمد

    جاسم محمد محفلین

    مراسلے:
    30,987
    لیکن نواز شریف پھر بھی محب وطن ہے جنرل صاحب!
     
  8. جاسم محمد

    جاسم محمد محفلین

    مراسلے:
    30,987
    یہ کام فوج نے کیوں کیا؟ اسے تو بیرکوں میں ہونا چاہیے تھا۔ وزیر اعظم آفس، وزارت خارجہ سے دستاویزات لیک ہو رہی تھی تو ہونے دیتے۔ آئین میں کہا لکھا ہے کہ فوج اس پر ایکشن لے۔ یہ غیر آئینی اقدام تھا اور حلف کی خلاف ورزی تھی۔ دیسی لبرلز
     
  9. جاسم محمد

    جاسم محمد محفلین

    مراسلے:
    30,987
    الو بنا تو رہے ہیں۔ اور کیا کیا بنائیں
     
  10. جاسم محمد

    جاسم محمد محفلین

    مراسلے:
    30,987
    تو پھر فوجی فاؤنڈیشن کب ہاؤسنگ سوسائیٹیز کا کاروبار بیچ کر اپنا سرمایہ انڈسٹری میں لگا رہی ہے؟
     
  11. جاسم محمد

    جاسم محمد محفلین

    مراسلے:
    30,987
    جنرل ایوب کے دور میں ہی بھارت کیساتھ براہ راست جنگوں اور تنازعات کا آغاز ہوا تھا۔ جنرل صاحب کی یاداشت بھی جواب دے گئی ہے۔
     
  12. جاسم محمد

    جاسم محمد محفلین

    مراسلے:
    30,987
    اس وقت سیکرٹری خزانہ ایک قادیانی تھا، کئی ۴ اسٹار جرنیل قادیانی تھے۔ کیا واقعی وہ دور اب واپس آ سکتا ہے؟
    [​IMG]
     
  13. جاسم محمد

    جاسم محمد محفلین

    مراسلے:
    30,987
    بالکل۔ این آر او، کرپٹ سیاست دانوں، ججز، بیوروکریٹس کو قوم پر مسلط کرنے کا سارا کریڈٹ جنرل اشفاق کیانی کو جاتا ہے۔
     
  14. جاسم محمد

    جاسم محمد محفلین

    مراسلے:
    30,987
    شائد اسی لرسمہ کو دیکھ کر کپتان کو سلیکٹ کر لیا وگرنہ شریف و زرداری خاندان کے سپوتوں کے ہوتے ہوئے ان کا نمبر کہاں لگنا تھا
    [​IMG]
    [​IMG]
     
  15. علی وقار

    علی وقار محفلین

    مراسلے:
    1,869
    مفروضوں پر مبنی باتیں ہیں۔ باجوہ ڈاکٹرائن، اگر وجود رکھتی ہے تو، اول روز سے ناکام ہے۔ جاوید چوہدری کی شہرت کچھ زیادہ اچھی نہیں اور ان کا شمار بھی صابر شاکر اور صالح ظافر جیسے افراد میں ہی ہوتا ہے۔ معاملات بہت آگے بڑھ چکے، باجوہ صاحب بہت پیچھے رہ گئے۔ جس جرنیل کا ماتحت عاصم باجوہ ہے، اس سے انصاف اور بھلائی کی توقع نادانی ہے۔
     
    • زبردست زبردست × 1
  16. عبدالقیوم چوہدری

    عبدالقیوم چوہدری محفلین

    مراسلے:
    18,814
    جھنڈا:
    Pakistan
    موڈ:
    Relaxed
    مثلاً۔۔۔۔؟
     
    • دوستانہ دوستانہ × 1
  17. جاسم محمد

    جاسم محمد محفلین

    مراسلے:
    30,987
  18. جاسم محمد

    جاسم محمد محفلین

    مراسلے:
    30,987
  19. جاسم محمد

    جاسم محمد محفلین

    مراسلے:
    30,987
    جنرل باجوہ کو سلیکٹ کر کے آرمی چیف لگانے والا نواز شریف۔ اسحاق ڈار کو سلیکٹ کر کے وزیر خزانہ لگانے والا نواز شریف۔ ایک نے جمہوریت تباہ کر دی۔ دوسرے نے معیشت۔ لیکن نواز شریف پھر بھی محب وطن ہے۔ ایسے ذہین و فطین دماغ رکھنے والی قوم ہے پاکستان کی۔
     
  20. الف نظامی

    الف نظامی لائبریرین

    مراسلے:
    17,550
    جھنڈا:
    Pakistan
    موڈ:
    Amused
    • زبردست زبردست × 1

اس صفحے کی تشہیر