فانی جمال خود رخ بے پردہ کا نقاب ہوا - فانی بدایونی

[کاشفی]

غزل​

(فانی بدایونی)​

​

جمال خود رخ بے پردہ کا نقاب ہوا​

نئی ادا سے نئی وضع کا حجاب ہوا​

​

ملا ازل میں مجھے میری زندگی کے عوض​

وہ ایک لمحہء ہستی کہ صرف خواب ہوا​

​

وہ جلوہ مفت نظر تھا، نظر کو کیا کہیئے​

کہ پھر بھی ذوقِ تماشا نہ کامیاب ہوا​

​

اُلٹ گئی مری اُمید و بیم کی دنیا​

یہ کیا نظامِ تمنّا میں انقلاب ہوا​

​

گناہگار سہی دل مگر قصور معاف​

ظہور شوق بہ اندازہء حجاب ہوا​

​

قضا کو مژدہء فرصت کہ فانی مہجور​

شہید کشمکش صبرواضطراب ہوا​

 

[محمد وارث]

بہت شکریہ کاشفی صاحب شیئر کرنے کیلیے۔