تبسم جب بھی دو آنسو نکل کر رہ گئے ۔ صوفی تبسّم

[فرخ منظور]

جب بھی دو آنسو نکل کر رہ گئے​

درد کے عنواں بدل کر رہ گئے​

​

کتنی فریادیں لبوں پر رُک گئیں​

کتنے اشک، آہوں میں ڈھل کر رہ گئے​

​

رخ بدل جاتا مری تقدیر کا​

آپ ہی تیور بدل کر رہ گئے​

​

کھُل کے رونے کی تمنّا تھی ہمیں​

ایک دو آنسو نکل کر رہ گئے​

​

زندگی بھر ساتھ دینا تھا جنہیں​

دو قدم ہمراہ چل کر رہ گئے​

​

تیرے اندازِ تبسّم کا فسوں​

حادثے پہلو بدل کر رہ گئے​

​

(صوفی تبسّم)​

 

[عمر سیف]

زندگی بھر ساتھ دینا تھا جنہیں
دو قدم ہمراہ چل کر رہ گئے
بہت خوب

 

[فرخ منظور]

زندگی بھر ساتھ دینا تھا جنہیں
دو قدم ہمراہ چل کر رہ گئے
بہت خوب

بہت شکریہ!