1. اردو ویب کے سالانہ اخراجات کی مد میں فراخدلانہ تعاون پر احباب کا بے حد شکریہ نیز ہدف کی تکمیل پر مبارکباد۔ مزید تفصیلات ملاحظہ فرمائیں!

    $500.00
    اعلان ختم کریں

عرفان صدیقی جاں سے گزرے بھی تو دریا سے گزاریں گے تمہیں

محمد عدنان اکبری نقیبی نے 'پسندیدہ کلام' کی ذیل میں اس موضوع کا آغاز کیا، ‏فروری 18, 2019

  1. محمد عدنان اکبری نقیبی

    محمد عدنان اکبری نقیبی محفلین

    مراسلے:
    17,826
    جھنڈا:
    Pakistan
    موڈ:
    Cheerful
    جاں سے گزرے بھی تو دریا سے گزاریں گے تمہیں
    ساتھ مت چھوڑنا ہم پار اتاریں گے تمہیں

    تم سنو یا نہ سنو ہاتھ بڑھاؤ نہ بڑھاؤ
    ڈوبتے ڈوبتے اک بار پکاریں گے تمہیں

    دل پہ آتا ہی نہیں فصل طرب میں کوئی پھول
    جان، اس شاخ شجر پر تو نہ واریں گے تمہیں

    کھیل یہ ہے کہ کسے کون سوا چاہتا ہے
    جیت جاؤ گے تو جاں نذر گزاریں گے تمہیں

    کیسی زیبائی ہے جب سے تمہیں چاہا ہم نے
    اور چاہیں گے تمہیں اور سنواریں گے تمہیں

    عشق میں ہم کوئی دعویٰ نہیں کرتے لیکن
    کم سے کم معرکۂ جاں میں نہ ہاریں گے تمہیں

    عرفان صدیقی​
     
    • پسندیدہ پسندیدہ × 2
    • زبردست زبردست × 1

اس صفحے کی تشہیر