تڑپ اے دل مگر حسن ادب حسن عقیدت سے

[اسامہ حماد]

تڑپ اے دل مگر حسن ادب حسن عقیدت سے​

کہیں یہ شوخیاں نہ باعث انکار ہو جائیں​

​

ابھی تو وقت ہے ، ان الجھنوں کو راستہ دے دیں​

ہے اندیشہ کہ پھر نہ رابطے دشوار ہو جائیں​

​

مری طرزوفا پہ تبصرہ کچھ سوچ کے کرنا​

کہیں ایسا نہ ہو یہ لفظ ہی دیوار ہو جائیں​

​

نظر اپنی اداوں پہ مری جاں لازمی رکھنا​

مبادا پھول کہتے ہو جنہیں، تلوار ہو جائیں​

​

روانہ کر رہا ہوں اپنے شعروں کے سفیروں کو​

ترے سوئے ہوئے جذبے ذرا بیدار ہوجائیں​

​

اثر تیری نواوں میں سوا ہو اور بھی انور​

خطیبان حرم گر شامل گفتار ہو جائیں​