تُبکے وِچ سمندر

[عبدالقیوم چوہدری]

ایس لڑی وچ میں نوجوان شاعر صغیر تبسم ہوراں دا پنجابی کلام رلتی کراں داں۔

دُکھاں دے گل ٹلیاں بنھو
چُپ چپیتے آ جاندے نیں
ساری وستی ڈھاجاندے نیں۔

 

[عبدالقیوم چوہدری]

اسیں اُنج نئیں لکھدے دُکھاں نوں
پہلاں سُرت گنوانی پیندی اے

اک اکھ نوں لوری دینے آں
اک اکھ جگانی پیندی اے

 

[عبدالقیوم چوہدری]

یاں تو سانوں جانوں چک لے
نہیں تے دکھ جہانوں چک لے

یا دھرتی توں رات مکا دے
یا سورج اسمانوں چک لے

مٹی نوں بس رھن دے مٹی
سارا زہر انسانوں چک لے

کندھاں سب برابر کردے
سارا فرق مکانوں چک لے

جہیڑے پیار دے سینے وجن
ایسے تیر کمانوں چک لے

یا اج میری سن لے ربا
یا فیر حرف زبانوں چک لے

 

[عبدالقیوم چوہدری]

سگرٹ وانگوں
دھخ رہی اے
جند اساڈی ازلاں توں
ہن تے ربا جان چھڑا دے
ہوکے بھردیاں غزلاں توں۔۔۔۔۔۔۔۔۔!

 

[ایس ایس ساگر]

یاں تو سانوں جانوں چک لے
نہیں تے دکھ جہانوں چک لے

یا دھرتی توں رات مکا دے
یا سورج اسمانوں چک لے

مٹی نوں بس رھن دے مٹی
سارا زہر انسانوں چک لے

کندھاں سب برابر کردے
سارا فرق مکانوں چک لے

جہیڑے پیار دے سینے وجن
ایسے تیر کمانوں چک لے

یا اج میری سن لے ربا
یا فیر حرف زبانوں چک لے

واہ۔ واہ۔ واہ لاجواب۔
بہت عمدہ۔
صغیر تبسم ہوراں دا اینا ودھیا کلام شئیر کرنے کا شکریہ عبدالقیوم چوہدری بھائی۔
اللہ آپ کو سلامت رکھے۔ آمین۔

 

[عبدالقیوم چوہدری]

واہ۔ واہ۔ واہ لاجواب۔
بہت عمدہ۔
صغیر تبسم ہوراں دا اینا ودھیا کلام شئیر کرنے کا شکریہ عبدالقیوم چوہدری بھائی۔
اللہ آپ کو سلامت رکھے۔ آمین۔

آمین۔
بھلا ہووے جے۔