توبہ و رجوع إلى الله پہ اشعار

[یاسر شاہ]

تر دامنی پہ شیخ ہماری نہ جائیو
دامن نچوڑ دیں تو فرشتے وضو کریں

درد

 

[یاسر شاہ]

نہ کہیں جہاں میں اماں ملی جو اماں ملی تو کہاں ملی
مرے جرمِ خانہ خراب کو ترے عفوِ بندہ نواز میں

اقبال

 

[یاسر شاہ]

روتی ہے خلق میری خرابی کو دیکھ کر
روتا ہوں میں کہ ہائے مری چشم تر نہیں

حاجی امداداللہ مہاجر مکّی رح

 

[یاسر شاہ]

ظالم ابھی ہے فرصت توبہ نہ دیر کر
وہ بھی گرا نہیں جو گرا پھر سنبھل گیا

مفتی شفیع علیہ الرحمہ

 

[محمد عبدالرؤوف]

روتی ہے خلق میری خرابی کو دیکھ کر
روتا ہوں میں کہ ہائے مری چشم تر نہیں

حاجی امداداللہ مہاجر مکّی رح

آہ۔۔۔۔۔

 

[یاسر شاہ]

وہ پرندہ جسے پرواز سے فرصت ہی نہ تھی
آج تنہا ہے تو دیوار پہ آ بیٹھا ہے
سلیم کوثر

 

[یاسر شاہ]

آؤ اک سجدہ کریں عالم مدہوشی میں
لوگ کہتے ہیں کہ ساغر کو خدا یاد نہیں
ساغر صدیقی

 

[سیما علی]

کبھی طاعتوں کا سرور ہے کبھی اعتراف قصور ہے
ہے مَلک کو جسکی نہیں خبر ، وہ حضور میرا حضور ہے
مولانا شاہ محمد احمد الٰہ آبادی

 

[سیما علی]

جو نا کا م ہو تا ر ہے عمر بھر بھی
بہرحال کوشش تو عاشق نہ چھوڑے

یہ ر شتہ محبت کا قا ئم ہی ر کھے
جو سو با ر ٹو ٹے تو سو با ر جوڑے
خواجہ عزیز الحسن مجذوب

 

[سیما علی]

ظا لم ابھی ہے فرصتِ توبہ نہ دیر کرِ
وہ بھی گرا نہیں جو گرا پھر سنبھل گیا

 

[یاسر شاہ]

آپ آتے جاتے رہیے وفا کو تو چھوڑیے
منھ موڑنا بھی گر ہے تو یکسر نہ موڑیے

توّاب کا بھی ہوتا ہے احباب میں شمار
تر دامنی میں یار کا دامن نہ چھوڑیے

مانا کہ شاہ آپ گنہگار ہیں بہت
توبہ نہ کر کے ان سے تعلّق نہ توڑیے

 

[سیما علی]

توّاب کا بھی ہوتا ہے احباب میں شمار
تر دامنی میں یار کا دامن نہ چھوڑیے

واہ واہ
کیا بات ہے
تر دامنی میں یار کا دامن نہ چھوڑیے

 

[یاسر شاہ]

مری کھل کر سیہ کاری تو دیکھو
اور ان کی شان ستاری تو دیکھو
گڑا جاتا ہوں جیتے جی زمیں میں
گناہوں کی گراں باری تو دیکھو
کرے بیعت حفیظ اشرف علی سے
بایں غفلت یہ ہشیاری تو دیکھو
حفیظ جونپوری

 

[سیما علی]

مولانا رومی فرماتے ہیں:

قطرئہ اشکِ ندامت در سجود
ہمسری خون شہادت می نمود

(ندامت کے آنسوؤں کے وہ قطرے جو سجدہ میں گنہگاروں کی آنکھوں سے گرتے ہیں، اتنے قیمتی ہیں کہ اللہ تعالیٰ کی رحمت ان کو شہیدوں کے خون کے برابر وزن کرتی ہے)