1. احباب کو اردو ویب کے سالانہ اخراجات کی مد میں تعاون کی دعوت دی جاتی ہے۔ مزید تفصیلات ملاحظہ فرمائیں!

    ہدف: $500
    $418.00
    اعلان ختم کریں

تم سے یہ وعدہ رہا پھر ہم نہ آئیں گے کبھی

سعید احمد سجاد نے 'اِصلاحِ سخن' کی ذیل میں اس موضوع کا آغاز کیا، ‏اگست 15, 2019

  1. سعید احمد سجاد

    سعید احمد سجاد محفلین

    مراسلے:
    297
    سر الف عین
    عظیم
    فلسفی اور دیگر احباب سے اصلاح کی درخواست ہے

    تم سے یہ وعدہ رہا پھر ہم نہ آئیں گے کبھی
    یوں صدا دے کر نہ تم کو اب ستائیں گے کبھی

    ہم معافی کے ہیں طالب سب خطائیں کر معاف
    یادِ ماضی کو نہ اب منہ سے لگائیں گے کبھی

    ایک مدت سے تمھاری منتیں کرتے رہے
    بارہا انکار کیسے ہم بھلائیں گے کبھی

    صاف ظاہر ہے ہماری ذات تم کو ناپسند
    ہم سعی کرتے ہیں آخر بھول جائیں گے کبھی

    زخم کھا کر آج تم سجاد کیوں حیران ہو
    علم تھا پہلے ہی پتھر وہ اٹھائیں گے کبھی

    شکریہ
     
  2. عظیم

    عظیم محفلین

    مراسلے:
    6,447
    تم سے یہ وعدہ رہا پھر ہم نہ آئیں گے کبھی
    یوں صدا دے کر نہ تم کو اب ستائیں گے کبھی
    ۔۔۔۔پھر ہم کی جگہ واپس استعمال کریں کہ 'پھر' کی وجہ سے روانی متاثر ہے۔ دوسرے میں 'اب' کی بجائے 'ہم' لے آئیں

    ہم معافی کے ہیں طالب سب خطائیں کر معاف
    یادِ ماضی کو نہ اب منہ سے لگائیں گے کبھی
    ۔۔۔۔۔'ہم معافی' میں میم کی وجہ سے تنافر ہے اگر کسی طرح الفاظ بدلے جائیں۔ یاد ماضی کا منہ سے لگانا سمجھ میں نہیں آ رہا۔ کیا محاورہ ہے ؟ اور اس کا ربط بھی ہہلے مصرع سے واضح نہیں ہے

    ایک مدت سے تمھاری منتیں کرتے رہے
    بارہا انکار کیسے ہم بھلائیں گے کبھی
    ۔۔۔۔۔بارہا کا استعمال درست معلوم نہیں ہو رہا، بار بار انکار۔ کیا جا سکتا ہے۔ لیکن شعر مکمل طور پر نامکمل لگ رہا ہے۔ دونوں مصرعے الگ الگ ٹکڑے لگ رہے ہیں ۔

    صاف ظاہر ہے ہماری ذات تم کو ناپسند
    ہم سعی کرتے ہیں آخر بھول جائیں گے کبھی
    ۔۔۔۔ناپسند ہے ہونا چاہیے تھا۔ صرف ناپسند اچھا نہیں لگ رہا۔ سعی کا تلفظ بھی دیکھیں، میرا خیال ہے کہ درد کے وزن پر ہے

    زخم کھا کر آج تم سجاد کیوں حیران ہو
    علم تھا پہلے ہی پتھر وہ اٹھائیں گے کبھی
    ۔۔۔۔۔یہ شعر درست ہے
     
    • متفق متفق × 1
  3. سعید احمد سجاد

    سعید احمد سجاد محفلین

    مراسلے:
    297
    شکریہ بھائی اس کو دیکھتا ہوں
     

اس صفحے کی تشہیر