تحریک لبیک پاکستان کی ریلی: ’شہری غیرضروری سفر سے اجتناب کریں‘

جاسم محمد نے 'آج کی خبر' کی ذیل میں اس موضوع کا آغاز کیا، ‏نومبر 16, 2020

  1. جاسم محمد

    جاسم محمد محفلین

    مراسلے:
    26,657
    تحریک لبیک پاکستان کی ریلی: ’شہری غیرضروری سفر سے اجتناب کریں‘
    فرانس میں پیغمبر اسلام کے خاکوں کی اشاعت کے خلاف مذہبی جماعت تحریک لبیک پاکستان نے راولپنڈی سے ایک احتجاجی ریلی نکالی جو اس وقت فیض آباد کے مقام پر موجود ہے۔
    انڈپینڈنٹ اردو indyurdu@
    سوموار 16 نومبر 2020 6:45
    [​IMG]
    ریلی میں شریک تحریک لبیک پاکستان کے کارکنان (تصویر: طارق انصاری ٹوئٹر اکاؤنٹ)


    فرانس میں پیغمبر اسلام کے خاکوں کی اشاعت کے خلاف مذہبی جماعت تحریک لبیک پاکستان نے راولپنڈی سے ایک احتجاجی ریلی نکالی جو اس وقت فیض آباد کے مقام پر موجود ہے۔

    ریلی کے شرکا اس وقت فیض آباد کے مقام پر موجود ہیں جبکہ اسلام آباد کے زیرو پوائنٹ پر پولیس کی بھاری نفری تعینات ہے۔

    تحریک لبیک پاکستان کی جانب سے یہ ریلی اتوار کو راولپنڈی کے لیاقت باغ سے نکالی گئی جو مری روڈ سے ہوتی ہوئی رات کے وقت فیض آباد پر پہنچی۔ اس دوران اطلاعات کے مطابق ریلی کے شرکا اور پولیس کے درمیان جھڑپیں بھی ہوئیں اور پولیس کی جانب سے ٹی ایل پی کے کارکنان کو منتشر کرنے کے لیے آنسو گیس کا استعمال بھی کیا گیا۔

    اس دوران راوالپنڈی اور اسلام آباد کی مرکزی شاہرائیں بند رہیں اور شہریوں کو موبائل سگنلز کی بندش کا سامنا بھی رہا جو کہ تاحال پوری طرح سے بحال نہیں کیے گئے ہیں۔

    دارالحکومت اسلام آباد کے داخلی اور خارجی راستے جزوی طور پر بند ہیں اور انتظامیہ نے شہریوں سے غیرضروری سفر نہ کرنے کی درخواست کی ہے۔


    اسلام آباد ٹریفک پولیس کی جانب سے جاری بیان میں کہا گیا ہے کہ ’اسلام آباد کے داخلی اور خارجی راستوں پر ٹریفک ڈائیورشنز لگائی گئی ہیں۔ شہریوں سے گزارش ہے کہ کسی بھی دقت سے بچنے کے لیے غیر ضروری طور پر سفر کرنے سے اجتناب کریں۔‘

    خیال رہے کہ تحریک لبیک پاکستان نے فرانس کے سفارت خانے کو بند کرکے سفیر کی بے دخلی کا مطالبہ کر رکھا ہے اور ریلی کے شرکا کا کہنا ہے کہ جب تک ان کا یہ مطالبہ پورا نہیں کیا جاتا تب تک وہ دارالحکومت اسلام آباد میں ہی رہیں گے۔

    پولیس اور ریلی کے شرکا کے درمیان جھڑپوں کے حوالے سے ٹی ایل پی کے ترجمان کا کہنا تھا کہ مظاہرین نے لیاقت باغ سے راولپنڈی اور اسلام آباد کو ملانے والے فیض آباد پُل تک مارچ کرنا تھا، تاہم پولیس نے مری روڈ کے کئی مقامات پر کنٹینر رکھ کر مظاہرین کو اسلام آباد کے داخلی راستے کی جانب جانے سے روک دیا۔

    تحریک لبیک کے مطابق پولیس نے مختلف مقامات سے درجنوں کارکنوں کو گرفتار بھی کیا ہے۔

    دوسری جانب پولیس کا موقف ہے کہ تحریک لبیک کے کارکنوں نے لیاقت روڈ پر کچھ دکانوں میں توڑ پھوڑ کی اور پولیس پر پتھراؤ کیا۔

    پولیس کی طرف سے آنسو گیس کے استعمال کی وجہ سے لیاقت باغ کے قریبی آریہ محلے کے مکین بری طرح متاثر ہوئے۔

    شہر کے حساس مقامات پر پولیس کے ساتھ رینجرز کو بھی تعینات کیا گیا تھا جبکہ اسلام آباد میں ریڈزون اور ڈپلومیٹک انکلیو کی طرف جانے والے راستے مکمل طور پر بند کرکے پولیس اوررینجرز کے دستے تعینات کیے گئے تھے۔

    سڑکیں بند ہونے کی وجہ سے ایکسپریس وے اور کشمیر ہائی وے پر ٹریفک کا دباؤ رہا اور گاڑیوں کی طویل قطاریں بنی رہیں۔ دوسری جانب میٹرو بس سروس بھی بند رہی۔
     
  2. جاسم محمد

    جاسم محمد محفلین

    مراسلے:
    26,657
  3. جاسم محمد

    جاسم محمد محفلین

    مراسلے:
    26,657
  4. محمد تابش صدیقی

    محمد تابش صدیقی منتظم

    مراسلے:
    25,878
    جھنڈا:
    Pakistan
    موڈ:
    Breezy
    ہماری طرف ریلی کے اثرات نہیں ہیں۔ البتہ موبائل سگنلز کل صبح سے ابھی تک پورے ریجن میں بند ہیں۔
    پہلے ہی ورک فرام ہوم کر رہا ہوں، ورنہ آج ورک فرام ہوم ہی کرنا تھا۔ :)
     
    • معلوماتی معلوماتی × 2
  5. جاسم محمد

    جاسم محمد محفلین

    مراسلے:
    26,657
    [​IMG]
     
  6. الف نظامی

    الف نظامی لائبریرین

    مراسلے:
    16,904
    جھنڈا:
    Pakistan
    موڈ:
    Amused
    جماعت اسلامی کے کارکنان ریلی کے شرکا کے لیے کھانا اور ادویات فراہم کر رہے ہیں۔
     
    آخری تدوین: ‏نومبر 16, 2020
    • معلوماتی معلوماتی × 1
  7. الف نظامی

    الف نظامی لائبریرین

    مراسلے:
    16,904
    جھنڈا:
    Pakistan
    موڈ:
    Amused
    ملک خالد نواز بوبی جیالوں کے ساتھ جلوس میں شامل۔
    مولانا فضل الرحمن نے دھرنے کی حمایت کا اعلان کر دیا۔
    دھڑن تختہ تک دھرنا جاری رکھا جائے۔
     
    • پر مزاح پر مزاح × 1
  8. dxbgraphics

    dxbgraphics محفلین

    مراسلے:
    5,384
    جھنڈا:
    Pakistan
    موڈ:
    Relaxed
    [​IMG]
     
    • زبردست زبردست × 1
    • پر مزاح پر مزاح × 1
  9. سیما علی

    سیما علی لائبریرین

    مراسلے:
    13,043
    جھنڈا:
    Pakistan
    موڈ:
    Cool
    صحیح بات ہے کوئی ایمرجنسی تھی تو فون سگنلز ندارد ۔۔۔۔۔۔
     
    • متفق متفق × 1
  10. dxbgraphics

    dxbgraphics محفلین

    مراسلے:
    5,384
    جھنڈا:
    Pakistan
    موڈ:
    Relaxed
    موبائل سگنل نہ ہونے کی وجہ سے آج میرا بھی بڑے بھائی سے رابطہ نہ ہوسکا۔ وہ بھی پنڈی صدر میں اپنے کپڑے لانے گئے تھے۔ واپسی پر ابھی کچھ دیر پہلے جب وہ پشاور کے نزدیک پہنچے تو موبائل پر رابطہ بحال ہوا ۔
     
    • معلوماتی معلوماتی × 1
  11. الف نظامی

    الف نظامی لائبریرین

    مراسلے:
    16,904
    جھنڈا:
    Pakistan
    موڈ:
    Amused
    حکومت فرانس کی حمایت میں پاگل پن کی حد کراس کر چکی ہے۔ ریاستِ مدینہ کا نعرا لگا کر ووٹ بٹورنے والے آج یزیدیت کے مقلد نکلے
     
    • پر مزاح پر مزاح × 1
    • متفق متفق × 1
    • غیر متفق غیر متفق × 1
  12. جاسم محمد

    جاسم محمد محفلین

    مراسلے:
    26,657
    جلسے اور دھرنے شوق سے کریں البتہ بڑی اور اہم شاہراہوں کا گلا گھونٹنے کی اجازت ریاست نہیں دے گی۔
     
  13. الف نظامی

    الف نظامی لائبریرین

    مراسلے:
    16,904
    جھنڈا:
    Pakistan
    موڈ:
    Amused
    یہ دھرنہ اسٹیبلشمنٹ کی حمایت سے ہو رہا ہے اور دھڑن تختے تک جاری رہے گا۔ دیکھتے جاو بابو میاں
     
    • پر مزاح پر مزاح × 1
    • غمناک غمناک × 1
  14. الف نظامی

    الف نظامی لائبریرین

    مراسلے:
    16,904
    جھنڈا:
    Pakistan
    موڈ:
    Amused
    جئے مولانا فضل الرحمن دل خش کیتا ای۔ یوتھیاں دے دلاں وچ تیر ترازو کر دتا
     
    • پر مزاح پر مزاح × 2
    • پسندیدہ پسندیدہ × 1
  15. محمد تابش صدیقی

    محمد تابش صدیقی منتظم

    مراسلے:
    25,878
    جھنڈا:
    Pakistan
    موڈ:
    Breezy
    [​IMG]
    [​IMG]
    آج سے تین سال پہلے انھی ایام میں متعلقہ موضوع پر یہی حالات تھے، اور اس وقت کی 2 خبریں۔
     
    • پر مزاح پر مزاح × 1
  16. محمد تابش صدیقی

    محمد تابش صدیقی منتظم

    مراسلے:
    25,878
    جھنڈا:
    Pakistan
    موڈ:
    Breezy
    اور میری تحریر جو آج فیس بک نے یاد کروائی۔ :p

    بوڑھا اور بیمار فیض آباد انٹرچینج پلنگ پر لیٹا ہے۔ قریب ہی اس کی بیماری کی ٹینشن لیے اسلام آباد ہائی وے اور مری روڈ کھڑی ہیں۔ دیگر محلہ دار بھی ساتھ کھڑے ہیں۔
    کچھ دیر بعد ترامڑی چوک بات شروع کرتے ہوئے کہتا ہے۔ "بہت عرصہ حکمرانی کر لی آپ نے، اب آپ کی بیماری میں لوگوں کو میری اہمیت کا احساس ہوا ہے اور اکثر ذمہ داریاں میں ادا کر رہا ہوں۔"

    گولڑہ موڑ نے اس کی بات ختم ہوتے ہی اس کے دعویٰ سے انکار کرتے ہوئے کہا۔ "جناب، میں اپنے آس پاس تعمیراتی کام ہونے کے باوجود آپ سے زیادہ بوجھ کو برداشت کر رہا ہوں۔ پہلے ہی میرے پاس کافی کام تھا، اوپر سے ان کی بیماری کے سبب مزید ذمہ داری اٹھانی پڑ رہی ہے۔ پنڈی والے تو سارے میرے پاس سے ہی جاتے ہیں۔ کچھ کا تو بعد میں بھی مجھے استعمال کرنے کا ہی ارادہ ہے۔"

    ادھر ہی اٹھلاتی ہوئی کشمیر ہائی وے، اسلام آباد ہائی وے کا تمسخر اڑاتے ہوئے بولی۔ "بڑی آئی اسلام آباد کی سب سے اہم روڈ ہونے کی دعویدار، جب سے فیض آباد انکل بیمار ہوئے ہیں، مرجھائی پڑی ہے۔ ساری اہمیت اب میرے حصے میں ہے۔"

    ایک کونے پر بیٹھی آئی جے پی روڈ برا مناتے ہوئے بولی۔ "بیٹی! جتنی آپ کی عمر ہے، اتنا ہمارا تجربہ ہے۔"

    اتنے میں فیض آباد انٹرچینج نے انگڑائی لی، اوران سب کی اس تکرار کو ختم کرتے ہوئے فرمایا۔ "تم سب صرف خواب دیکھ سکتے ہو۔ دیکھ لو، میری بیماری نے اسلام آباد ہائی وے اور مری روڈ کو ویران کر کے رکھ دیا ہے۔ اور اسلام آباد پنڈی کو مفلوج۔ ذرا مجھے صحتمند ہونے دو، واپس اپنی اوقات پر آ جاؤ گے۔"

    اور یوں عیادت کے لیے آنے والے تمام پڑوسی آہستہ آہستہ کھسکنے لگے۔
     
    • زبردست زبردست × 1
  17. جاسم محمد

    جاسم محمد محفلین

    مراسلے:
    26,657
    حکومت اور اسٹیبلشمنٹ نے کورونا وائرس کے بڑھتے کیسز کی روک تھام کیلئے آج سے ہر قسم کے جلسے، جلوسوں اور دھرنوں پر پابندی لگا دی ہے۔
     
    • پر مزاح پر مزاح × 1
  18. جاسم محمد

    جاسم محمد محفلین

    مراسلے:
    26,657
    تین سال قبل کورونا وائرس کی وبا نہیں تھی
     
    • پر مزاح پر مزاح × 2
  19. الف نظامی

    الف نظامی لائبریرین

    مراسلے:
    16,904
    جھنڈا:
    Pakistan
    موڈ:
    Amused
    ہم تو تب مانیں جب یونیورسٹیوں میں 6 ماہ کی چھٹی ہو جائے۔ صرف جلسوں پر پابندی مزہ نہیں آیا۔
     
    • پر مزاح پر مزاح × 1
    • غمناک غمناک × 1
  20. الف نظامی

    الف نظامی لائبریرین

    مراسلے:
    16,904
    جھنڈا:
    Pakistan
    موڈ:
    Amused
     
    • معلوماتی معلوماتی × 1

اس صفحے کی تشہیر