تحریکِ انصاف حکومت: منشور اور وعدے

الیکشن کے بعد اب پی ٹی آئی کی حکومت کا بننا اب یقینی دکھائی دے رہا ہے۔ قوی امکان ہے کہ پنجاب میں بھی پی ٹی آئی ہی کی حکومت بنے گی۔
پی ٹی آئی کا منشور اور بہت سے وعدے بہت شاندار اور ملک و قوم کے لئے بہترین ہیں۔ میری بہت خواہش اور دعا ہے کہ ہم ان میں سے زیادہ تر کو انشاءاللہ پورا ہوتا دیکھیں۔
زمینی حقائق اور مسائل کو دیکھتے ہوئے یہ بھی مدِ نظر رکھنا ہو گا کہ ہر وعدہ یا ہر خواہش پوری نہیں کی جا سکتی، لیکن اگر تیس چالیس فیصد بھی گڈ گورننس اور منشور پہ عملدرآمد دکھا دیا تو پاکستان، عام عوام اور ان کی اپنی حکومت کے لئے بہترین ہو گا۔
اس کے لئے تازہ مثال کے پی کے سے سامنے آئی ہے۔ کے پی کے نے وہاں بہت زیادہ کارنامے یا تصاویر میں نظر آنے والی ترقی شاید نہ دکھائی ہو، تاہم گورننس کے ضمن میں ان کی سمت درست سمت میں رہی۔ اندازہ لگایا جا سکتا ہے کہ اسی وجہ سے وہاں کے ووٹرز نے ان پہ ایسا بھرپور اعتماد کیا کہ تاریخ میں پہلی دفعہ دو تہائی سے زیادہ سیٹیں ان کو جتوا دی ہیں۔

اس لڑی میں ہم کوشش کریں گے کہ ان کے منشور اور وعدوں کی بابت گفتگو اور تجزیہ کر سکیں۔ کچھ عرصے بعد ان کی تکمیل ہوتی یا نہ ہوتی دکھائی دی تو بھی یہاں گفتگو جاری رکھی جا سکتی ہے۔

 

پہلا ہی سوال کچھ مشکل سا ہے، کہ کیا موجودہ وزیرِ اعظم ہاؤس کو تعلیمی ادارہ یا اسی قسم کا کوئی اور عوامی مرکز وغیرہ بنایا جا سکتا ہے؟
خصوصاً ریڈ زون اور سیکورٹی وغیرہ کے مسائل کو دیکھتے ہوئے۔

 

بجلی اور ٹیکس وفاقی سبجیکٹس ہیں۔ مائیکرو ہائیڈل پاور پراجیکٹس سے بنی بجلی کی بابت یہ خبر درست ہے۔ تاہم اس سے مستفید ہونے والی آبادی کافی کم تھی۔
تعلیم، صحت اور پولیس کے ضمن میں کارکردگی میں بہتری کا اندازہ لگایا جا سکتا ہے، جس کی وجہ سے اس دفعہ ووٹ بھی پڑے ہیں۔

 

کیا پاکستان میں سونے کی کانیں دریافت ہو گئی ہیں، یا تیل کا دریا نکل آیا ہے؟
پاکستان کے بڑے مسائل میں سے ایک ٹیکس کا کم اکٹھا ہونا ہے۔ اس ضمن میں خان صاحب نے آج تو فقط چند میٹھی باتیں ہی کی ہیں، کہ فلاں فلاں اقدام دیکھ کر لوگ خود ٹیکس دینے لگ جائیں گے۔ حقیقت یہ ہے کہ اس کے لئے کچھ بہت سخت اقدامات کرنا ہوں گے، جن پہ کاروباری طبقے کی چیخیں بھی نکلیں گی۔ لیکن امید ہے کہ پبلک سپورٹ کو دیکھتے ہوئے خان صاحب ان اقدامات سے پیچھے نہیں ہٹیں گے۔
میں نے پی ٹی آئی کو ووٹ جن چند وجوہات پہ دیا ہے، ان میں سے اہم ترین ٹیکس جیسا مسئلہ بھی ہے کہ سابقہ حکومت ایسے ہرسخت اقدام پہ دباؤ میں آ کر پیچھے ہٹ جایا کرتی تھی۔

 

قدیم تحقیق بھی اسی طرز کی کہانیوں پہ مشتمل رہی ہیں۔ تاہم یہ اتنا سادہ معاملہ نہیں ہے، نہ ہی چند کانیں نکل آنے سے ملک امیر ہو سکتا ہے۔

 

آپ کی بات بالکل ٹھیک ہے، تاہم، شروع میں ہی صاحب بہادر کچھ کر گئے تو کر گئے۔ ایک آدھ سال گزر گیا تو پھر بھول جائیے۔ مشرف صاحب بھی ٹیکس اصلاحات سے تائب ہو گئے تھے۔ چونکہ نون لیگ کاروباری طبقے کے مفادات کی امین رہی ہے، اس لیے اس حوالے سے احتجاجی تحریک بھی شروع ہو سکتی ہے اس لیے اسد عمر صاحب کو آتے ہی کچھ نہ کچھ کر کے دکھانا ہو گا۔

 

یہ ان ڈائریکٹ ٹیکس میں آتے ہیں. اصولی طور پر حکومتیں ڈائریکٹ ٹیکس پہ ہی زیادہ فوکس کرتی ہیں. مگر ہمارے ہاں ڈائریکٹ ٹیکس کی وصولی کم ہونے کی وجہ سے ان ڈائریکٹ بہت زیادہ ہیں. یقینی طور پر تحریک کو یہ پیٹرن تبدیل کر کے ڈائریکٹ ٹیکس پہ فوکس کرنا ہو گا. تاکہ کم آمدنی والے طبقے کو کچه ریلیف ملے

 

پاکستان میں ٹیکس کی چوری بہت منظم اور عمدہ طریقے سے کی جارہی ہے ۔ صنعتکار , تاجر اور دیگر ٹیکس دینے والے افراد کو ایف بی آر کے اہکاروں کا مکمل تعاون حاصل ہے جس کی وجہ سے یہ لوگ باآسانی عائد ٹیکس کا ایک چوتھائی حصہ ادا کرتے ہیں ۔ایک یہ بھی وجہ ہے جو سرمایہ دار امیر سے امیر تر ہوتا جا رہا ہے ۔

 

تحریک نے ہمدردیاں بالکل بھی نہیں سمیٹیں۔ لیکن حکومت نے ہمدردیاں کھوئیں ضرور۔
سب سے اہم فیکٹر نواز حکومت کے خوفزدہ ہونے کے تاثر والا تھا۔ ایسے جیسے دل میں چور ہو۔
ہر چھوٹی چھوٹی بات پہ خوفزدہ طریقے سے بلیک میل ہوتے رہے۔
مجھے فیض آباد دھرنے کے دوران یہ شدت سے محسوس ہوا کہ اگر حکومت میں ذرا بھی اخلاقی جرات ہوتی تو دھرنا ختم کرانے میں ناکامی کے بعد پوری بات عوام کے سامنے لاتے ہوئے استعفیٰ دے دیتے۔
لیکن اپنے کاروبار اور مفادات زیادہ عزیز ہوں تو استعفیٰ دینا مشکل ہو جاتا ہے۔