تازہ غزل : رنگِ دنیا دیکھتا رہتا ہوں میں از نویدظفرکیانی

[نویدظفرکیانی]

رنگِ دنیا دیکھتا رہتا ہوں میں​

خود کو خود سے مانگتا رہتا ہوں میں​

​

رات بھر کیوں جاگتا رہتا ہوں میں​

چاند سے کیا پوچھتا رہتا ہوں میں​

​

کیسا نابینا سمے ہے زیست کا​

سب سے آنکھیں مانگتا رہتا ہوں میں​

​

تشنگی بجھتی نہیں اظہار کی​

اپنے اندر گونجتا رہتا ہوں میں​

​

زعم ہے پتھرائے جانے کا مجھے​

اور دل کو تھامتا رہتا ہوں میں​

​

خشک پتے ہیں یا امّیدیں ظفر​

ٹہنیوں سے توڑتا رہتا ہوں میں​

​

نویدظفرکیانی​

 

[محمداحمد]

بہت ہی خوب۔۔۔۔!

اچھی غزل ہے نوید بھائی۔ بہت سی داد پیشِ خدمت ہے۔



شعر نمبر 3 اور 5 میں ٹائپو ہے اور "ز" کی جگہ "ذ" پریس ہوگیا ہے۔ اسے ٹھیک کر دیجے گا۔