فرخ منظور
لائبریرین
بے حجابانہ انجمن میں آ
کم سخن محفلِ سخن میں آ
اے مرے آہوئے رمیدہ کبھی
دل کے اجڑے ہوئے خُتن میں آ
دل کہ تیرا تھا، اب بھی تیرا ہے
پھر اسی منزلِ کہن میں آ
اے گلستانِ شب کے چشم و چراغ
کبھی اجڑے دلوں کے بَن میں آ
کبھی فرصت ملے تو پچھلے پہر
شب گزیدوں کی انجمن میں آ
صبحِ نورس کی آنکھ کے تارے
چاند مرجھا گیا گہن میں، آ
رنگ بھر دے اندھیری راتوں میں
جانِ صبحِ وطن! وطن میں آ
پھول جھڑنے کی شام آ پہنچی
نو بہارِ چمن! چمن میں آ
(ناصر کاظمی)
کم سخن محفلِ سخن میں آ
اے مرے آہوئے رمیدہ کبھی
دل کے اجڑے ہوئے خُتن میں آ
دل کہ تیرا تھا، اب بھی تیرا ہے
پھر اسی منزلِ کہن میں آ
اے گلستانِ شب کے چشم و چراغ
کبھی اجڑے دلوں کے بَن میں آ
کبھی فرصت ملے تو پچھلے پہر
شب گزیدوں کی انجمن میں آ
صبحِ نورس کی آنکھ کے تارے
چاند مرجھا گیا گہن میں، آ
رنگ بھر دے اندھیری راتوں میں
جانِ صبحِ وطن! وطن میں آ
پھول جھڑنے کی شام آ پہنچی
نو بہارِ چمن! چمن میں آ
(ناصر کاظمی)