بیہ یا بہی پکانے کی ترکیب چاہئے

میر انیس

لائبریرین
سندھ کے دیہی علاقوں میں ایک سبزی بہ یا بہی پائی جاتی ہے جسکا صحیح تلفظ تو میرا کوئی سندھی بھائی ہی بتا سکتا ہے۔ مولی کی طرح لمبی پر پتوں کے بغیر اور باہر سے رنگ شکر قندی کی طرح کا ہوتا ہے اندر سے لیس دار ہوتی ہے اور ریشےسے نکلتے ہیں اتفاق سے وہ مجھ کو ایمپریس مارکیٹ میں مل گئی اب مسئلہ یہ ہے کہ اس کو پکانا کیسے ہے بیگم تو اس سے قطعی نا آشنا ہیں۔ ایک دفعہ میرے ایک لاڑکانوی دوست نے مجھ کو کھلائی تھی وہ مزا آج تک نہیں بھولا ۔اگر کسی رکن کو خاص کر اس شعبہ میں ماہر میری بہنوںناعمہ عزیز ، عائشہ عزیز,سیدہ شگفتہ، یا عندلیب میں سے کوئی مدد کرسکتی ہیں تو بہت دعائیں دوں گا ورنہ وہ پڑے پڑے خراب ہوجائیں گی
 

Saraah

محفلین
کیا یہاں اسکی بات ہورہی ہے؟

Cutquinces.jpg
 

سارہ خان

محفلین
یہ تصویر بہہ کی نہیں ہے ۔۔ وہ آلو کی فیملی کی سبزی ہے زمیں کے اندر اگتی ہے ۔۔۔
مجھے بہہ کی ترکیب آتی ہے ۔۔ میں بناتی ہوں ۔۔اگر ابھی تک بہہ آپ کے پاس پڑے ہیں تو میں بتا سکتی ہوں ۔۔
 

Saraah

محفلین
شکریہ سارا ۔۔۔ہوسکے تو اسکی تصویر شئیر کیجیے گا ۔۔۔میں نے ایک میگزین میں ''مرغوبات نبوی صلی اللہ علیہ وسلم'' کے عنوان سے ایک مضمون میں یہی پھل یا سبزی دیکھی تھی جسے اردو میں بہی اور انگریزی میں quince کہتے ہیں
 

میر انیس

لائبریرین
کیا یہاں اسکی بات ہورہی ہے؟

Cutquinces.jpg
نہیں یہ بہہ نہیں ہے۔ جو میرے پاس ہے وہ شکر قندی سے ملتی جھلتی پر اس سے لمبی ہے
یہ تصویر بہہ کی نہیں ہے ۔۔ وہ آلو کی فیملی کی سبزی ہے زمیں کے اندر اگتی ہے ۔۔۔
مجھے بہہ کی ترکیب آتی ہے ۔۔ میں بناتی ہوں ۔۔اگر ابھی تک بہہ آپ کے پاس پڑے ہیں تو میں بتا سکتی ہوں ۔۔
ارے سارہ اگر آپ کے پاس ترکیب ہے تو پھر انتظار کس بات کا کر رہی ہیں جلدی سے ترکیب بھیجیں ۔ میرے پاس اب تک بہہ موجود ہے میرے خیال میں اب تک صحیح حالت میں ہے کیونکہ فرج میں رکھی ہوئی تھی اب باقی اللہ کو معلوم ہے کہ اب تک قابلِ استعمال ہے یا نہیں
 

سارہ خان

محفلین
سوری انیس بھائی مجھے یہاں آتے اتے دیر ہوگئی ۔۔ بہہ بالکل ویسے ہی پکائے جاتے ہیں جیسے سمپل گوشت کا سالن ۔۔ کیونکہ یہ سخت ہوتے ہیں اور گوشت جتنا ٹائیم ہی لیتے ہیں گلنے میں ۔۔ بس گرم مصالحہ نہیں ڈلتا ۔۔ اور ادرک لہسن بھی میں سبزیوں میں نہیں ڈالتی اگر آپ کو پسند ہو تو ڈال دینا۔۔ گوشت تو پکانا آتا ہوگا نہ ؟
 

میر انیس

لائبریرین
چلیں آئیندہ آزمائیں گے آپ کی ترکیب کو اب تو کافی دن ہوگئے ۔بہر حال آپ کا شکریہ کے آپ نے توجہ تو دی
 

تعبیر

محفلین
پہلے تو اسکی مٹی اتار کر اسے اچھی طرح دھو لیں اور پھر کاٹ لیں چھوٹے چھوٹے ٹکڑوں میں کاٹ کر تھوڑا نمک ڈال کر اسے بوائل کر لیں جب گل جائیں تو توے یا فرائنگ پین میں اسے نمک مرچ اورسوکھے دھنیے کے ساتھ فرائے کر لیں
آپ نے کس شیپ میں کھائے تھے اگر بتا دیں تو ترکیب بتانے میں آسانی ہو گی کیونکہ امی اسے بہت ساری مختلف تراکیب سے بناتی ہیں
 

میر انیس

لائبریرین
پہلے تو اسکی مٹی اتار کر اسے اچھی طرح دھو لیں اور پھر کاٹ لیں چھوٹے چھوٹے ٹکڑوں میں کاٹ کر تھوڑا نمک ڈال کر اسے بوائل کر لیں جب گل جائیں تو توے یا فرائنگ پین میں اسے نمک مرچ اورسوکھے دھنیے کے ساتھ فرائے کر لیں
آپ نے کس شیپ میں کھائے تھے اگر بتا دیں تو ترکیب بتانے میں آسانی ہو گی کیونکہ امی اسے بہت ساری مختلف تراکیب سے بناتی ہیں

میں نے جو کھائیں تھیں وہ لمبائی میں کٹی ہوئی تھیں اور ان میں مصالحہ لگا ہوا تھا اور شائد ابالنے کے بعد بھونی گئیں تھیں بہر حال کافی مزیدار تھیں پر ان میں سے ریشے نکل رہے تھے
 

تعبیر

محفلین
لمبائی ہی میں کاٹ کر انہیں بوائل کر کے گلایا جاتا ہے پھر کسی سالن یا مصالحے میں بھونا جاتا ہے
آپ لمبائی ہی میں کاٹ کر اسے نمک،مرچ۔سوکھا دھنیہ اور آمچور پاؤڈر میں ابال لیں (اتنا پانی ڈالیں کہ بیہ گل بھی جائیں اور پانی خشک ہو جائے)
پھر بیسن گھول لیں بالکل آلو کے پکوڑوں والے طریقے سے اور انہیں ان میں ڈپ کر کے پکوڑّے بنائیں کافی مزیدار لگیں گے۔

میرے جو رشتہ دار سندھ میں رہتے ہیں انہیں کہوں گی کہ وہ بیہن یا بیہوں کی تصویر بھیجیں جن بہن بھائیوں نے بیہ نہیں دیکھے وہ دیکھ لیں گے
یہ اور بات ہے کہ میرے رشتہ دار کام کرنے سے زیادہ کام کروانےاور نکلوانے پرزیادہ بھروسہ کرتے ہیں :p
امی کا چکر لگا سندھ تو وہ ضرور لائیں گی تصویر
 

میر انیس

لائبریرین
تعبیر بہن یہ تو کوئی مسئلہ ہی نہیں ہے تصویر میں آپ کو کل ہی آپ کے دیکھنے کے لیئے یہاں لگادوں گا اگر آپ کی بھابھی نے آج ہی آپ کی ترکیب پر پکوڑے بنالئے تو ورنہ بغیر پکائی ہی بھیج دوں گا
 

تعبیر

محفلین
میر انیس جی میں تو بہہ دیکھ دیکھ کر بڑی ہوئی ہوں یہیں پر کسی نے معصوم سی فرمائش کی تھی بس اسی کو پورا کرنے کی کوشش کر رہی تھی بس ۔
اللہ خیر کرے پکوڑے کیسے بنے ؟؟؟نا ہی تصویر ہے اور نا ہی آپ خود :-(
چاٹ مصالحہ لکھنا تو میں بھول ہی گئی تھی ۔سوری
 

میر انیس

لائبریرین
معاف کرنا تعبیر بہن وہ بہہ تو خراب ہوگئیں کل یا پرسوں نئی لے آئوں گا پھر پکا کر اسکی تصویر بھیج دوں گا اگر قریب ہوتیں تو کھلا بھی دیتا ۔ ویسے اگر آپ اوپر پڑھیں تو فرمائش میں نے ہی کی تھی
 
Top