F@rzana
محفلین
مائیکروسافٹ اپنے پروگرام ورڈ (microsoft word) میں موجود ایک خرابی (جس کا وائرس بنانے والوں نے پہلے ہی فائدہ اٹھانا شروع کر دیا ہے) کے تدارک کے لیے مجوزہ ’پیچ‘ وقت سے پہلے متعارف کرانے کا ارادہ رکھتا ہے۔
ورڈ میں موجود اس خرابی کی وجہ سے وائرس پروگرام لکھنے والے کے لیئے کسی بھی پی سی پر اضافی راستہ کھول کر کمپیوٹر کا کنٹرول سنبھال کر اپنے مقاصد کے لیئے استعمال کرنا آسان ہے۔
اس خرابی کے توڑ کے لیئے مائیکروسافٹ مجوزہ پیچ وسط جون میں لانے والا تھا لیکن اب اس کا کہنا ہے کہ اگر ضروری ہوا تو وہ پیچ اس سے پہلے مارکیٹ میں لا سکتا ہے۔
دریں اثناء ادارے نے اپنے صارفین کو ہدایت کی ہے کہ وہ پیچ کے آنے سے پہلے وائرس سے بچنے کے لیئے اپنے ورڈ پروگرام کے کئی فیچر استعمال نہ کریں۔
ورڈ کو کرپٹ کرنے والے اس وائرس کا نام بیک ڈور گنوئی (Backdoor .Ginwui) ہے اور اسے ورڈ ڈاکومنٹ کی شکل میں تقسیم کی جانے والی ای میل کے ذریعے پھیلایا جا رہا ہے۔
اس ای میل میں بظاہر امریکہ اور ایشیا کے سربراہان کے درمیان ایک ملاقات کا ذکر ہے۔
جب کوئی صارف مذکورہ ای میل میں لگے ورلڈ ڈاکومنٹ کو کھولتا ہے تو اس کا کمپیوٹر وائرس کا شکار ہوجاتا ہے اور کمپیوٹر کا رابطہ ایشیا میں ایک ویب سائٹ کے ساتھ منسلک ہوجاتا ہے جس سے اس ویب سائٹ کو پتا لگ جاتا ہے کہ مذکورہ پی سی اس کے کنٹرول میں آگیا ہے۔
پروگرام کے مطابق مائیکروسافٹ اس وائرس کے خلاف اپنا پیچ تیرہ جون کو متعارف کرائے گا لیکن اب ان کا کہنا ہے کہ اگر ضرورت پڑی تو یہ پیچ اس سے پہلے متعارف کر دیا جائے گا۔
پیچ کے مارکیٹ میں لائے جانے سے پہلے مائیکروسافٹ نے صارفین کو یہ ہدایت بھی کی ہے کہ ان ورڈ ڈاکومنٹس کو کھولنے سے پرہیز کریں جو کسی دوسری فائل مثلاً ایکسل یا پاور پوائنٹ کے اندر رکھی ہوئی ہو۔ اس کے علاوہ ادارے نے ویب سائٹس سے ورڈ ڈاکومنٹس ڈاؤن لوڈ کرنے سے بھی اجتناب کی تلقین کی ہے۔
بیک ڈور گنوئی نامی وائرس مائیکروسافٹ ورڈ 2002 اور 2003 دونوں کو متاثر کرنے کی صلاحیت رکھتا ہے۔
بشکریہ :بی بی سی
ورڈ میں موجود اس خرابی کی وجہ سے وائرس پروگرام لکھنے والے کے لیئے کسی بھی پی سی پر اضافی راستہ کھول کر کمپیوٹر کا کنٹرول سنبھال کر اپنے مقاصد کے لیئے استعمال کرنا آسان ہے۔
اس خرابی کے توڑ کے لیئے مائیکروسافٹ مجوزہ پیچ وسط جون میں لانے والا تھا لیکن اب اس کا کہنا ہے کہ اگر ضروری ہوا تو وہ پیچ اس سے پہلے مارکیٹ میں لا سکتا ہے۔
دریں اثناء ادارے نے اپنے صارفین کو ہدایت کی ہے کہ وہ پیچ کے آنے سے پہلے وائرس سے بچنے کے لیئے اپنے ورڈ پروگرام کے کئی فیچر استعمال نہ کریں۔
ورڈ کو کرپٹ کرنے والے اس وائرس کا نام بیک ڈور گنوئی (Backdoor .Ginwui) ہے اور اسے ورڈ ڈاکومنٹ کی شکل میں تقسیم کی جانے والی ای میل کے ذریعے پھیلایا جا رہا ہے۔
اس ای میل میں بظاہر امریکہ اور ایشیا کے سربراہان کے درمیان ایک ملاقات کا ذکر ہے۔
جب کوئی صارف مذکورہ ای میل میں لگے ورلڈ ڈاکومنٹ کو کھولتا ہے تو اس کا کمپیوٹر وائرس کا شکار ہوجاتا ہے اور کمپیوٹر کا رابطہ ایشیا میں ایک ویب سائٹ کے ساتھ منسلک ہوجاتا ہے جس سے اس ویب سائٹ کو پتا لگ جاتا ہے کہ مذکورہ پی سی اس کے کنٹرول میں آگیا ہے۔
پروگرام کے مطابق مائیکروسافٹ اس وائرس کے خلاف اپنا پیچ تیرہ جون کو متعارف کرائے گا لیکن اب ان کا کہنا ہے کہ اگر ضرورت پڑی تو یہ پیچ اس سے پہلے متعارف کر دیا جائے گا۔
پیچ کے مارکیٹ میں لائے جانے سے پہلے مائیکروسافٹ نے صارفین کو یہ ہدایت بھی کی ہے کہ ان ورڈ ڈاکومنٹس کو کھولنے سے پرہیز کریں جو کسی دوسری فائل مثلاً ایکسل یا پاور پوائنٹ کے اندر رکھی ہوئی ہو۔ اس کے علاوہ ادارے نے ویب سائٹس سے ورڈ ڈاکومنٹس ڈاؤن لوڈ کرنے سے بھی اجتناب کی تلقین کی ہے۔
بیک ڈور گنوئی نامی وائرس مائیکروسافٹ ورڈ 2002 اور 2003 دونوں کو متاثر کرنے کی صلاحیت رکھتا ہے۔
بشکریہ :بی بی سی
