بیت جانیاں اے رتاں ہانیاں

عبداللہ محمد نے 'پنجابی فورم' کی ذیل میں اس موضوع کا آغاز کیا، ‏فروری 23, 2021 6:52 شام

  1. عبداللہ محمد

    عبداللہ محمد مدیر

    مراسلے:
    10,874
    جھنڈا:
    Pakistan
    بیت جانیاں اے رتاں ہانیاں
    جے ناں مانیاں تولدا روویں
    چلے جاواں گے نہ مُڑ آواں گے
    واری واری در بھانویں کھولدا روویں

    کلے ہو گئے وے جھلے ہو گئے
    زندگی دے روگ اولے ہو گئے
    ہوئیاں حیرانیاں، وے دل جانیاں
    خنجراں توں تیکھے تیرے چھلے ہو گئے
    رک جانا اے، ساہ نے مُک جانا اے
    فئیر پچھوں مٹیاں پھرولدا رویں


    بیت جانیاں اے رتاں ہانیاں
    جے ناں مانیاں تولدا روویں
    چلے جاواں گے نہ مُڑ آواں گے
    واری واری در بھانویں کھولدا روویں

    ہوکا بھردا، ترس کردا
    سانوں ویکھ ویکھ چن جاندا ٹھردا
    پچھدی حال، ہوا چلے نال نال
    بس توہی ساڈے پھٹاں تے ٹیہا نہیں دھردا
    نین پر گئے، پیاسے مر گئے
    پچھوں پانی پتھراں دے ڈولدا رویں

    بیت جانیاں اے رتاں ہانیاں
    جے ناں مانیاں تولدا روویں
    چلے جاواں گے نہ مُڑ آواں گے
    واری واری در بھانویں کھولدا روویں

    پیندے سل وے، کوئی نہ حل وے
    چل دلا اپنا ٹھکانہ مل وے
    حافظ خدا، چلے امبراں دے راہ
    میرے سرتاج میری سن گل وے
    جد شاماں پینیاں، یاداں آ بیہنیاں
    سوہے رنگ پانیاں اچ گھولدا پھریں
    چلے جاواں گے نہ مُڑ آواں گے

    بیت جانیاں اے رتاں ہانیاں
    جے ناں مانیاں تولدا روویں
    چلے جاواں گے نہ مُڑ آواں گے
    واری واری در بھانویں کھولدا روویں

    (ستندر سرتاج)

     

اس صفحے کی تشہیر