بیت بازی سے لطف اٹھائیں

[شعیب خالق]

یونہی تو نہیں دشت میں پہنچے، یونہی تو نہیں جوگ لیا
بستی بستی کانٹے دیکھے، جنگل جنگل پھول میاں
ابن انشاء

 

[شمشاد]

بہت خوبصورت شعر ہے ابن انشاء کا۔ شکریہ
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ناکامِ تمنا دل اس سوچ میں رہتا ہے
یوں ہوتا تو کیا ہوتا، یوں ہوتا تو کیا ہوتا
(چراغ حسن حسرت)

 

[ماہم]

احساس کے انداز بدل جاتے ہیں ورنہ
آنچل بھی اسی تار سے بنتا ہے،کفن بھی

 

[سارہ خان]

یُوں گلیوں بازاروں میں آوارہ پھرتے رہتے ہیں
جیسےاس دنیامیں سبھی آئے ہوں عمرگنوانےلوگ

 

[ماہم]

گلے ملتے رہو لوگوں‌ سے لیکن
ضیا دل سے کدورت ترک کردو
(ضا الحق قاسمی)

 

[شمشاد]

ماہم آپ تو بہت اچھی اردو لکھ لیتی ہیں۔ اپنا تعارف تو کروائیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
وہ تو کر ہی نہیں سکتی ہے ہماری پُرسش
پھر تری چشمِ فسوں ساز سے کیا کرنا ہے
(نزہت عباسی)

 

[عمر سیف]

یادوں کی خلش وہ شام و سحر، مایوس سے وہ دیوار و در
احساس کی لَو مدہم مدہم، کچھ کہہ نہ سکے، کچھ بھول گئے

 

[شمشاد]

یہ اندھیروں میں بھی چمکتا ہے
اشکِ غم آفتاب ہے اب تو

 

[عمر سیف]

وہ عجیب منظر خواب تھا، کہ وجود تھا نہ سراب تھا
کبھی یوں لگا، نہیں کوئی، کبھی یوں لگا کوئی اور ہے ۔۔۔

 

[شمشاد]

یہ اک شجر جو مرے صبر کی علامت ہے
کبھی تو اس پہ بھی یارب کوئی ثمر دیتا
(نزہت عباسی)

 

[ماہم]

اب اس کے وعدہ فردا کو بھی ترستے ہیں
کل اس کی بات پہ کیوں اعتبار آ نہ گیا
(احمد فراز)

 

[فرحت کیانی]

اس سے باتیں کرتا ہوں میں، اس سے ناتیں کرتا ہوں
ایک جھمیلا ہو جاتی ہے میری ذات اکیلے میں

۔۔۔انور شعور

 

[شمشاد]

نہ ٹوٹ جائے کہیں سلسلہ تمنا کا
جو درد و دل کا تھا رشتہ اسے بحال کرو
(جون ایلیا)

 

[شعیب خالق]

وہی شہر ہے وہی راستے وہی گھر ہے اور وہی لان بھی
مگر اس دریچے سے پوچھنا وہ درخت انار کا کیا ہوا
بشیر بدر​

 

[شمشاد]

اجنبی شہر کے اجنبی راستے ، میری تنہائی پر مسکراتے رہے
میں بہت دیر تک یونہی چلتا رہا ، تم بہت دیر تک یاد آتے رہے

 

[شعیب خالق]

یہی دعا ہے خدا ئے بزرگ و برتر سے
کہ نامُراد کی پوری کوئی مراد کریں
جمیل عظیم آبادی​

 

[شمشاد]

نہ گئی تیرے غم کی سرداری
دل میں یوں روز انقلاب آئے
(فیض)

 

[شعیب خالق]

یوں ہی موسم کی ادا دیکھ کے یاد آیا ہے
کس قدر جلد بدل جاتے ہیں انسان جاناں
احمد فراز

 

[شمشاد]

نیند اُس کی ہے، دماغ اُس کا ہے، راتیں اُس کی ہیں
تیری زلفیں جس کے شانوں پہ پریشاں ہو گئیں
(چچا)

 

[ماہم]

نئی زندگی کے نئے مکر وفن
نئے آدمی کی نئی چال ڈھال