بیت بازی سے لطف اٹھائیں (5)

[مومن فرحین]

آپی جی ۔۔۔ یہ بیت بازی والی لڑی ہے ۔ آپ نے حروف تہجی کے حساب سے ڈال دیا ہے

 

[سیما علی]

آپی جی ۔۔۔ یہ بیت بازی والی لڑی ہے ۔ آپ نے حروف تہجی کے حساب سے ڈال دیا ہے

بٹیا ٹھیک کر دیے ہم نے غلطی ہو گئی

 

[سیما علی]

یہ جاں فروشیاں ترے کس کام آئیں گی
بے کار پھر رہے ہیں یہاں تو بدن فروش
سودا وہی ہے آج بھی بازارِ عشق کا
ہاں کوئی نو فروش ہے کوئی کُہن فروش

صوفی تبسم

 

[سیما علی]

شام کے سانولے چہرے کو نکھارا جائے
کیوں نہ ساغر سے کوئی چاند ابھارا جائے
قتیل شفائی

 

[سیما علی]

یوں تراشے جا رہے ہیں تہمتوں پر تہمتیں
جیسے ان لوگوں کو اب خوفِ خدا کوئی نہیں


ریحانہ قمر

 

[سیما علی]

نازکی اس کے لب کی کیا کہیے
پنکھڑی اک گلاب کی سی ہے
میرتقی میر

 

[سیما علی]

یارانِ جان و دل کو کوئی جمع پھر کرے
جو بھی ہو جس کا حال، سنایا کرے کوئی

عبید اللہ علیم

 

[سیما علی]

یہ عجیب شعبدہ ہے یہ عجیب ماجرا ہے
کہ جس آنکھ میں ہے شوخی اسی آنکھ میں حیا ہے

معشوق حسین اطہر ہاپوڑی

 

[سیما علی]

اتنے برسوں کی جدائی ہے کہ اب
تم کو دیکھیں گے تو مرجائیں گے

جون ایلیا

 

[سیما علی]

یہ اور بات کہ دل غم میں خود کفیل ہوا
مگر وہ آنکھ میرے غم میں اشک بار رہی
شبنم شکیل

 

[سیما علی]

یہ وہ نعمت کہ جو تاروں کے مقدر میں نہیں
داغ لگتا ھے فقط چاند کی پیشانی پر

زندگی کو ملی پوشاک ۔ محبت شاھد
جس طرح تیرگی کر دے کوئی عُریانی پر

شاھد ذکی

 

[سیما علی]

رند حاضر ہیں شیشہ و ساغر
مے نہ سمجھو اگر حرام، تو لو

رند لکھنوی

 

[ام عبدالوھاب]

وقت ہر زخم کا مرہم تو نہیں بن سکتا
درد کچھ ہوتے ہیں تا عمر رلانے والے

صدا انبالوی

 

[سیما علی]

وہ تعلق ہے ترے غم سے کہ اللہ اللہ
ہم کو حاصل ہو خوشی بھی تو گوارا نہ کریں
علیم اخترؔ

 

[سیما علی]

وقت ہر زخم کا مرہم تو نہیں بن سکتا
درد کچھ ہوتے ہیں تا عمر رلانے والے

صدا انبالوی

واہ واہ

 

[سیما علی]

یہ ہم سے دشمنی تیری سمجھ میں ہی نہیں آتی
فقط ہم اہل دل ہی رہتے ہیں تیرے نشانے پر
زیب النساء زیبی

 

[سیما علی]

روشنیوں کے سارے منظر جُھوٹے لگتے ہیں
لیکن اُس کی آنکھ کے آنسو سچے لگتے ہیں

(نوشی گیلانی)

 

[سیما علی]

نیم کا پیڑ تھا برسات تھی اور جھولا تھا
گاؤں میں گزرا زمانہ بھی غزل جیسا تھا


منور رانا

 

[ام عبدالوھاب]

ابھی مُنتشر نہ ہو اجنبی، نہ وِصال رُت کے کرم جَتا
جو تِری تَلاش میں گُم ہُوئے کبھی اُن دِنوں کا حِساب کر
محسن نقوی

 

[ام عبدالوھاب]

راستے بھی انجان تھے سفر بھی گھٹن رہا!
قدم قدم پر مجھے بھٹک جانے کا ڈر رہا!