حاتم راجپوت
لائبریرین
بھارت کے کئی میزائل تجربات اس سے قبل ناکام بھی ہو چکے ہیں۔ فوٹو: فائل
نئی دہلی: بھارت نے زمین سے زمین پر کم فاصلے تک مار کرنے والے جوہری صلاحیت کے حامل پرتھوی ٹو بلیسٹک میزائل کا کامیاب تجربہ کیا ہے۔
بھارتی میڈیا نے دعوی کیا ہے کہ میزائل کا تجربہ بھارتی فوج کے اسٹریٹجک کمانڈ یونٹ نے آج صبح کیا، مکمل طور پر بھارت میں ہی تیار کیا جانےوالا میزائل 500 کلوگرام جوہری مواد لے جانے کی صلاحیت رکھتا ہے اور 350 کلومیٹر تک کامیابی سے اپنے ہدف کا نشانہ بنا سکتا ہے۔
واضح رہے کہ بھارت کے کئی میزائل تجربات اس سے قبل ناکام بھی ہو چکے ہیں، رواں سال مارچ کے مہینے میں بھارت نے کروز میزائل نربہے کا تجربہ کیا تاہم اس کا میزائل لانچنگ کے 20 منٹ بعد ہی گر گیا۔
حوالہ: http://www.express.pk/story/160865/