رضا بقیہ ، پاٹ وہ کچھ دھار یہ کچھ زار ہم.....2

[مہ جبین]

اتنی عرضِ آخری کہہ دو کوئی​

ناؤ ٹوٹی آپڑے منجدھار ہم​

​

منھ بھی دیکھا ہے کسی کے عفو کا​

دیکھ او عصیاں نہیں بے یار ہم​

​

میں نثار ایسا مسلماں کیجیئے​

توڑ دالیں نفس کازنّار ہم​

​

کب سے پھیلائے ہیں دامن تیغِ عشق​

اب تو پائیں زخم دامن دار ہم​

​

ناتونی کا بھلا ہو بن گئے​

نقش پائے طالبانِ یار ہم​

​

دل کے ٹکڑے نذرِ حاضر لائے ہیں​

اے سگا نِ کوچہء دلدار ہم​

​

قسمتِ ثور و حرا کی حرص ہے​

چاہتے ہیں دل میں گہرا غار ہم​

​

چشم پوشی و کرم شانِ شما​

کارِ ما بے باکی و اصرار ہم​

​

فصلِ گُل سبزہ صبا مستی شباب​

چھوڑیں کس دل سے در خمار ہم​

​

میکدہ چھٹتا ہے لِلّٰہ ساقیا​

اب کے ساغر سے نہ ہوں ہشیار ہم​

​

ساقیِ تسنیم جب تک آنہ جائیں​

اے سیاہ مستی نہ ہوں ہشیار ہم​

​

نازشیں کرتے ہیں آپس میں مَلَک​

ہیں غلامانِ شہِ ابرار ہم​

​

لطفِ از خود رفتگی یارب نصیب​

ہوں شہید جلوہء رفتار ہم​

​

اُن کے آگے دعویٰء ہستی رضا​

کیا بکے جاتا ہے یہ ہر بار ہم​

​

اعلیٰ حضرت الشاہ امام احمد رضا خان فاضلِ بریلوی رحمۃاللہ علیہ​