1. اردو محفل سالگرہ پانزدہم

    اردو محفل کی یوم تاسیس کی پندرہویں سالگرہ کے موقع پر تمام اردو طبقہ و محفلین کو دلی مبارکباد!

    اعلان ختم کریں

بس محبت سے پیش آیا جائے ۔

عظیم نے 'آپ کی شاعری (پابندِ بحور شاعری)' کی ذیل میں اس موضوع کا آغاز کیا، ‏اپریل 30, 2018

  1. عظیم

    عظیم محفلین

    مراسلے:
    6,628


    بس محبت سے پیش آیا جائے
    یہ طریقہ بھی آزمایا جائے

    دل سے نفرت نکال کر دیکھوں
    ہو بھی سکتا ہے، مسکرایا جائے

    شاید آ جائے مجھ پر اُس کو رحم
    اپنی حالت کو جا دِکھایا جائے

    جان چھوڑے گا کب یہ پاگل پن
    اور کب تک یہ منہ چھپایا جائے

    پھر تو کچھ دیکھنے کو بچتا نہیں
    رخ سے پردہ جو وہ، اٹھایا جائے

    کیا ہے اوقات اِس جہان کی دوست
    دل کو اُس یار سے لگایا جائے

    جیتے رہنا ہی زندگی ہے عظیم
    کس لیے آپ کو مٹایا جائے


    *****
     

اس صفحے کی تشہیر