بریگیڈیئر (ر) اسد منیر نے نیب تحقیقات شروع ہونے کے بعد خود کشی کرلی

جاسم محمد نے 'آج کی خبر' کی ذیل میں اس موضوع کا آغاز کیا، ‏مارچ 15, 2019

  1. جاسم محمد

    جاسم محمد محفلین

    مراسلے:
    5,024
    بریگیڈیئر (ر) اسد منیر نے نیب تحقیقات شروع ہونے کے بعد خود کشی کرلی
    [​IMG]
    نیب نے گزشتہ روز ہی اسد منیر کے خلاف بدعنوانی کا ریفرنس دائر کرنے کی منظوری دی تھی

    ویب ڈیسک

    جمع۔ء 15 مارچ 2019
    اسلام آباد: نیب تحقیقات شروع ہونے کے بعد ممتاز دفاعی تجزیہ کار بریگیڈیئر (ر) اسد منیر نے خود کشی کرلی۔

    ایکسپریس نیوز کے مطابق نیب نے گزشتہ روز ہی سابق ممبر اسٹیٹ سی ڈی اے اور ممتاز دفاعی تجزیہ کار بریگیڈئیر ریٹائرڈ اسد منیر کے خلاف بدعنوانی کا ریفرنس دائر کرنے کی منظوری دی تھی تاہم آج اسلام آباد میں ڈپلومیٹک انکلیو کے علاقے سے بریگیڈئیر اسد منیر کی لاش ملی ہے۔

    ذرائع کے مطابق اسد منیر کی لاش نجی فلیٹ سے ملی جو پنکھے سے جھول رہی تھی، پولیس نے لاش کو پوسٹ مارٹم کے لیے اسپتال منتقل کیا تاہم اسد منیرکے بھائی نے پوسٹ مارٹم کرانے سے انکار کردیا جس پر لاش کو ورثاء کے حوالے کردیا گیا ہے۔ ایس ایچ او تھانہ سیکرٹریٹ کے مطابق بریگیڈئیر (ر) اسد منیر نے خودکشی کی اور اب ان کی لاش ورثاء کے حوالے کردی گئی ہے۔

    ذرائع کا کہنا ہے کہ بریگیڈئیر (ر) اسد منیر نے خود کشی سے قبل نیب کی ناانصافی پر چیف جسٹس کو خط بھی لکھا تھا، اس کے علاوہ سی ڈی اے سے ہٹائے جانے کے 6 سال بعد ان کا نام وزارت داخلہ نے ای سی ایل میں ڈالا جس پر انہوں نے سیکرٹری داخلہ کو خط بھی لکھا تھا۔
     
  2. جاسم محمد

    جاسم محمد محفلین

    مراسلے:
    5,024
    • نا پسندیدہ نا پسندیدہ × 2
  3. سید ذیشان

    سید ذیشان محفلین

    مراسلے:
    6,387
    موڈ:
    Asleep
    اچھے انسان تھے۔ حق مغفرت کرے۔

    دال میں کچھ کالا لگ رہا ہے۔
     
    • متفق متفق × 1
  4. جاسم محمد

    جاسم محمد محفلین

    مراسلے:
    5,024
    خود کشی نوٹ کے مطابق ساری کی ساری دال ہی کالی ہے۔ بے گناہی کا ثبوت احتساب کے اداروں میں پیش کیا جاتا ہے۔ وہاں سے بھاگ کر خودکشی نہیں کی جاتی۔ جو ویسے بھی ہمارے دین میں حرام ہے
    [​IMG]
    [​IMG]
    اگر اپوزیشن سمجھتی ہے کہ عمران خان اس طرح بلیک میل ہو جائیں گے اور احتسابی عمل رک جائے گا تو یہ ان کی بھول ہے
     
    • نا پسندیدہ نا پسندیدہ × 2
  5. جاسم محمد

    جاسم محمد محفلین

    مراسلے:
    5,024
    پچھلے ۱۰ سال کیا جھک مارتے رہے تھے؟ نیب کو ٹھیک کیوں نہیں کیا؟

    نیب پکڑے تو نیب کا احتساب کرو۔ کیا ن لیگی منطق ہے!
     
  6. سید ذیشان

    سید ذیشان محفلین

    مراسلے:
    6,387
    موڈ:
    Asleep


    یہ سوئسائڈ نوٹ نیب کی حقیقت بتا رہا ہے۔
     
  7. سید ذیشان

    سید ذیشان محفلین

    مراسلے:
    6,387
    موڈ:
    Asleep
    نون لیگ سے اسد منیر کا کیا تعلق تھا؟
     
  8. جاسم محمد

    جاسم محمد محفلین

    مراسلے:
    5,024
    اپوزیشن اس قسم کے سانحات کو جواز بنا کر نیب کو دباؤ میں لانا چاہتی ہے۔ تاکہ احتسابی عمل کو روکا جا سکے۔ آج ہی خبر آئی ہے کہ نیب نے زرداری اور بلاول کو جعلی اکاؤنٹس کیس میں طلب کر لیا ہے۔ اب وہ اس پر سیاست کریں گے۔
     
  9. جاسم محمد

    جاسم محمد محفلین

    مراسلے:
    5,024
    اگر نیب کی مبینہ ذلت سے بچنے کیلئے خودکشی کی ہے تو خودکشی بھی ذلت والی موت ہی ہے۔
     
  10. فرقان احمد

    فرقان احمد محفلین

    مراسلے:
    6,173
    این آر او صرف علیمہ خان اینڈ کمپنی کے لیے ہے۔ :)
     
    • متفق متفق × 1
  11. جاسم محمد

    جاسم محمد محفلین

    مراسلے:
    5,024
    علیمہ خان کوئی این آر او نہیں ملا۔ ان کا کیس ایف آئی اے چلا رہی ہے جو براہ راست ان کے بھائی عمران خان کے نیچے ہے۔
    اب نیب نے چونکہ اس اچھوت سیاسی خاندان کے گرد گھیرا تنگ کر دیا ہے تو مزید پر اسرار خودکشیاں و اموات ہونے کا خطرہ موجود ہے
    [​IMG]
     
    • نا پسندیدہ نا پسندیدہ × 2
  12. جاسم محمد

    جاسم محمد محفلین

    مراسلے:
    5,024
    خود کشی نوٹ میں دو مختلف فانٹس استعمال ہوئے ہیں۔ اسد منیر کے دستخط بھی موجود نہیں ہیں۔ بلاول زرداری اور دیگر پی پی پی لیڈران نے تعزیتی ٹویٹ بھی کر دئے۔ منفی ریٹنگز کا انتظار۔۔۔
     
  13. جاسم محمد

    جاسم محمد محفلین

    مراسلے:
    5,024
    نیب کی ایک حقیقت یہ بھی:

    اور آج اپوزیشن کہتی ہے نیب کا احتساب کرو۔ ان کی ایسی کی تیسی!
     
  14. فرقان احمد

    فرقان احمد محفلین

    مراسلے:
    6,173
    بہتر ہو گا کہ علیمہ خان کو نیب کا نیا چیئرمین بنا دیا جائے۔ :) ایف آئی اے بھیا کے پاس، نیب بہنا کے پاس ۔۔۔!
     
  15. جاسم محمد

    جاسم محمد محفلین

    مراسلے:
    5,024
    نیب کا چیئرمین عمران خان نے لگایا ہے اور نہ ہی افوج نے۔ بلکہ یہ اس وقت کی حکومت اور اپوزیشن یعنی ن لیگ اور پی پی پی کا مشترکہ کارنامہ ہے۔
    جس کے نتائج بھی ویسے ہی آ رہے ہیں۔ نیب پکڑ دھکڑ کرتی ہے اورملزمان عدالت سے ضمانتیں کروا لیتے ہیں۔ نیب عدالت کے جج سزا سناتے ہیں۔ اور مجرمان ضمانتیں کروا کر جیل سے باہر آجاتے ہیں۔ نیب کے ڈر سے کئی ملزمان ملک سے فرار ہیں تو کوئی بیمار بنا ہوا ہے تو کوئی خودکشی کر رہا ہے۔
    عجیب تماشا لگا ہوا ہے۔
     
  16. فرقان احمد

    فرقان احمد محفلین

    مراسلے:
    6,173
    تو پھر نیب کو اپنا کام کرنے دیں اور آپ 'حکومت'کریں ۔۔۔! ایک آدھ سال تو آپ اس نعرے کے ساتھ گزار لیں گے تاہم اگر حالات بہتر نہ ہوئے تو بہت جلد عوام آپ سے بھی اُکتا جائے گی۔ اور غالباََ وہ بھی، جن کا نام لینا ممنوع ہے شاید۔۔۔! :)
     
  17. جاسم محمد

    جاسم محمد محفلین

    مراسلے:
    5,024
    ارے بھائی ہمیں ڈرایا تو نہ کریں۔ "گھبرانا نہیں ہے" :)
     
  18. انیس الرحمن

    انیس الرحمن محفلین

    مراسلے:
    8,136
    جھنڈا:
    Pakistan
    موڈ:
    Buzzed
    اگر خودکشی بھی کی تو کم از کم کچھ شرم کچھ حیا تو تھی ان صاحب میں۔۔ ان کو کن الفاظوں سے نوازا جائے جو ۔۔۔۔!!
     
  19. جاسم محمد

    جاسم محمد محفلین

    مراسلے:
    5,024
    نجم سیٹھی جو اندر کی خبریں بتانے کے ماہر ہیں نے کل ہی بیان دیا ہے کہ یہ احتسابی کمپین اسٹیبلشمنٹ نہیں عمران خان چلا رہے ہیں۔ بلکہ اسٹیبلشمنٹ نے تو ان کو سمجھانے کی کوشش بھی کی ہے کہ ہاتھ ہلکا رکھیں مگر ضدی خان کے آگے فوج بھی بے بس ہے۔ ان کے مفادات بھی عمران خان سے جڑے ہیں :)
     
  20. جاسم محمد

    جاسم محمد محفلین

    مراسلے:
    5,024
    اسد منیر صاحب ، عزت آپ کو جان سے زیادہ پیاری تھی
    15/03/2019 وسی بابا

    [​IMG]
    بریگیڈئر اسد منیر نے نیب سے تنگ آ کر خودکشی کی ہے . انہوں نے ایک خط چیف جسٹس کے نام چھوڑا ہے ۔ اس میں لکھا ہے کہ میں اس امید پر جان دے رہا ہوں کہ آپ نیب کو ٹھیک کریں گے کہ وہ لوگوں کی عزت سے نہ کھیلے ۔
    اپنے خط میں انہوں نے یہ بھی لکھا کہ مجھ سے جو لوگ تفتیش کرتے تھے ۔ وہ بددماغ تھے انہیں اپنا کام نہیں آتا تھا وہ سرکاری اداروں کے کام کرنے کے طریقہ کار تک سے واقف نہیں تھے ۔
    بریگیڈئر صاحب اکثر ٹی وی پر بطور تجزیہ کار آتے تھے ۔ انہیں بہت کم سنا پھر بھی رٹائر لوگوں سے کچھ بہتر سا تاثر لگا ان کا ، یہ پشاور میں سٹیشن چیف بھی رہے انٹیلی جنس کے، نیب میں بھی رہے ۔
    بریگیڈئر صاحب کو جس پلاٹ کی الاٹمنٹ پر چارج کیا جا رہا تھا ، انہوں نے لکھا ہے کہ میں نے اس کی سفارش کی تھی الاٹمنٹ کا اختیار میرا نہیں چئرمین کا تھا ۔ میں جب کنوینس ہو گیا کہ یہ ٹھیک ہے تو میں نے سفارش کر دی ۔
    انہوں نے لکھا کہ وہ نہیں چاہتے کہ انہیں ہتھکڑی لگے ، انہیں عدالتوں میں لایا لے جایا جائے ان کا میڈیا ٹرائل ہو ، کیمرے ان کا پیچھا کریں ۔
    یہ سب پڑھا افسوس ہوا ۔
    ہم لوگ انسان کی عزت نہیں کرتے ، ہم کسی کی ترقی سے بھی جیلس ہوتے ہیں ، ہم کامیابی میں سازش اور کرائم بھی ڈھونڈتے ہیں ، ہم الزام لگاتے ہیں ، جھوٹ گھڑتے ہیں ، مبالغہ کرتے ہیں ، تھوڑی بات کو بڑھا دیتے ہیں ۔
    اسد منیر نے چیف جسٹس کو مشکل میں ڈال دیا ہے ، جان دے کر ، خط لکھ کر ۔ جسٹس کھوسہ از خود نوٹس نہیں لیتے ، وہ شائد میڈیا اٹینشن ٹکر سے عاجز آئے لگتے ، ان کے فیصلوں سے اختلاف کے باوجود یہ ویسے ہی جج ہیں جیسا ہونا چاہئے کہ ان کے فیصلے بولتے ہیں ۔
    احتساب کرپشن ایڈجسٹمنٹ ڈیل یا ڈھیل ان سب کا جائز مناسب فورم پارلیمانی کمیٹی ہی ہے ، وہ جب کسی پر کیس درج کرنے کا حکم دے تب ہی معاملہ آگے بڑھایا جائے ۔ نیب کے ہاتھوں تنگ آ کر بیوروکریسی ہاتھ پر ہاتھ دھرے بیٹھی ہے ۔ سرمایہ دار پیسہ لگانے سے خوفزدہ ہیں ۔ ہمارے احتساب قوانین کو بدلنے کی ضرورت ہے ۔
    بدقسمتی اب یہ بھی ہے کہ ان قوانین کو بدلنے کے لیے اب نوازشریف رکاوٹ ہیں ، وہ کہتے ہیں کہ میں نے بھگت لیا اب باقی بھگتیں ۔اس غصے ردعمل اور رلانے کی سیاستوں نے ہمیں کہیں کا نہیں رکھا ۔
    خدا حافظ اسد منیر صاحب اللہ تعالی آپ کے ساتھ رحمت کا معاملہ کرے ، آپ اپنی عزت کے حوالے سے اتنے حساس تو تھے کہ
    عزت آپ کو جان سے پیاری تھی۔
     

اس صفحے کی تشہیر