برائے تنقید و اصلاح

Wajih Bukhari

محفلین
اپنے بچوں کے لئے لکھی ایک دعائیہ نظم
---------

چمکتے چاند سورج سے محمد اور زہرا ہیں

ستارے خوش نصیبی کے محمد اور زہرا ہیں


سجایا زندگی کو مسکراہٹ کے اجالوں سے

اندھیروں کو مٹا دیتے محمد اور زہرا ہیں


ادائے شکر ناممکن ہے ایسی ایک نعمت کا

یہاں تو دو ملے تحفے محمد اور زہرا ہیں


تبسم خوبصورت ہے، شرارت دل ربا ان کی

ہر اک انداز میں پیارے محمد اور زہرا ہیں


ہمیں اب کیا ضرورت ہے کبھی غمگین ہونے کی

ہمارے پاس جو ہوتے محمد اور زہرا ہیں


خدا ان کی جبینیں علم سے روشن سدا رکھے

کہے دنیا ہنر والے محمد اور زہرا ہیں


شرف اک اور دے مالک کہ ہم یہ کہہ سکیں تجھ سے

بہت اچھے ترے بندے محمد اور زہرا ہیں


خداوندا ہمیشہ رحم کی ان پر نظر رکھیو

کرم کے منتظر تیرے محمد اور زہرا ہیں


ہزاروں سال لمبی عمر ہو اللہ کرے اِن کی

دعاؤں میں سدا رہتے محمد اور زہرا ہیں


۔--- ۔--- ۔--- ۔---
 
اصلاح تو ان شاء اللہ اساتذہ فرمائیں گے۔

بہت اچھے احساسات ہیں بچوں کے لیے۔ اللہ تعالیٰ محمد اور زہرا کو ہمیشہ خوش رکھے اور آپ کی آنکھوں کی ٹھنڈک بنائے۔ آمین
میں تو آسانی سے محمد اور زہرا کی جگہ حذیفہ اور حفصہ پڑھ سکتا ہوں۔ :)
 

Wajih Bukhari

محفلین
اصلاح تو ان شاء اللہ اساتذہ فرمائیں گے۔

بہت اچھے احساسات ہیں بچوں کے لیے۔ اللہ تعالیٰ محمد اور زہرا کو ہمیشہ خوش رکھے اور آپ کی آنکھوں کی ٹھنڈک بنائے۔ آمین
میں تو آسانی سے محمد اور زہرا کی جگہ حذیفہ اور حفصہ پڑھ سکتا ہوں۔ :)
بہت شکریہ بھائی جان۔
 

عظیم

محفلین
بہت مہربانی جناب کی۔ یہ فرمائیے کہ کیا آپ کی رائے میں 'اللہ' کا وزن 'فعلن' پڑھنے میں 'مفعول' کی نسبت کچھ غیر مانوس نہیں لگتا؟
فعلن کے وزن پر چل جاتا ہے لیکن مفعول کے وزن پر ہی زیادہ تر پسند کیا جاتا ہے

(معذرت بابا)
 
Top