برائے اصلاح

محمل ابراہیم نے 'اِصلاحِ سخن' کی ذیل میں اس موضوع کا آغاز کیا، ‏اپریل 15, 2021

  1. محمل ابراہیم

    محمل ابراہیم لائبریرین

    مراسلے:
    420
    جھنڈا:
    India
    موڈ:
    Angelic
    اُستاد محترم الف عین
    محمد احسن سمیع: راحل
    سید عاطف علی
    محمد خلیل الرحمٰن

    آداب۔۔۔۔۔۔۔۔

    آپ سے اصلاح و رہنمائی کی درخواست ہے____

    زبان و لب کی ہے سالار اب یہ پابندی
    ہیں سب گرفت میں اس کے عجب یہ پابندی

    یہ جب ہے درج کہ آزاد ہر فریق یہاں
    حرم پہ روک ہے، کیسی ہے تب یہ پابندی؟

    قطاریں آپ لگاؤ تو کچھ نہیں ہوتا
    صفِ نماز پہ پھر بے سبب یہ پابندی؟

    ارب،کروڑ کے مجمع پہ کوئی روک نہیں
    ہوں شخص پانچ نہ یکجا،عجب یہ پابندی

    ہمارے ملک میں تعلیم عام کیسے ہو؟
    ہے درسگاہوں مدارس پہ جب یہ پابندی

    سحرؔ نہ حالِ دِلِ زار کر سکوگی بیاں
    تباہ ملک ہے اپنا غضب یہ پابندی
     
  2. الف عین

    الف عین لائبریرین

    مراسلے:
    35,966
    جھنڈا:
    India
    موڈ:
    Psychedelic
    کورونا کے ایس او پی پر اعتراض تو میں غیر ضروری سمجھتا ہوں۔ ہندوستان میں تو کیسیس اس لئے ہی بڑھ رہے ہیں کہ لوگ پابندی قبول نہیں کر رہے ہیں! بہر حال مسلسل غزل یا نظم محض قافیہ پیمائی لگ رہی ہے، زمین ہی ایسی چنی ہے تم نے!

    زبان و لب کی ہے سالار اب یہ پابندی
    ہیں سب گرفت میں اس کے عجب یہ پابندی
    .. سالار؟ مودی جی سے خطاب ہے یا مرحوم صلاح الدین اویسی سے جنہیں حیدرآباد میں سالار کہا جاتا تھا۔ زبان و لب پر تو پابندی نہیں ہے نا! اس سے قطع نظر، شعر میں سالار ہی بھرتی کا لفظ لگ رہا ہے

    یہ جب ہے درج کہ آزاد ہر فریق یہاں
    حرم پہ روک ہے، کیسی ہے تب یہ پابندی؟
    .. کہاں درج ہے، اس کا ذکر تو کرو، آزاد کے ساتھ 'ہے' کی بھی ضرورت ہے، فریق کا استعمال بھی غلط ہے، 'آزاد ہے یہاں ہر فرد' ممکن ہے۔
    حرم؟ کعبہ سے مراد ہے یا عام مساجد؟

    قطاریں آپ لگاؤ تو کچھ نہیں ہوتا
    صفِ نماز پہ پھر بے سبب یہ پابندی؟
    ....آپ لگاؤ شتر گربہ ہے، آپ کے ساتھ 'لگائیں' آنا چاہئے، دوسرے مصرعے میں بھی 'ہے' کی کمی ہے۔ ویسے الحمد للہ ایسی پابندی ہم ہندوستانی مسلمان کبھی برداشت نہیں کر سکیں گے، یہ عارضی ہے، اس لئے قبول کر رہے ہیں کہ اس میں ہی سب کا بھلا ہے!

    ارب،کروڑ کے مجمع پہ کوئی روک نہیں
    ہوں شخص پانچ نہ یکجا،عجب یہ پابندی
    .. ارب کی بھیڑ تو حرم کعبہ میں بھی نہیں ہوتی، حج کے اجتماع میں بھی شاید پچاس لاکھ سے زیادہ مجمع اب تک نہیں ہوا ہو! 'ہزاروں، لاکھوں ' کہو۔ دوسرے مصرعے میں بھی 'پانچ شخص ' کہا جائے

    ہمارے ملک میں تعلیم عام کیسے ہو؟
    ہے درسگاہوں مدارس پہ جب یہ پابندی
    ... یہ بھی وہی بات کہ درسگاہیں ہمیشہ کے لئے تو بند نہیں کی گئی ہیں! شعر درست ہے ویسے۔

    سحرؔ نہ حالِ دِلِ زار کر سکوگی بیاں
    تباہ ملک ہے اپنا غضب یہ پابندی
    .. ٹھیک ہے
     
    • پسندیدہ پسندیدہ × 1
  3. محمل ابراہیم

    محمل ابراہیم لائبریرین

    مراسلے:
    420
    جھنڈا:
    India
    موڈ:
    Angelic
    الف عین

    سر نظر ثانی کی درخواست گزار ہوں۔۔۔۔۔۔۔

    زبان و لب کی ہے مختار اب یہ پابندی
    ہیں سب گرفت میں اس کے عجب یہ پابندی

    نہیں ہے جب کہ مزاہب میں اختلاف کوئی
    حرم پہ روک ہے کیسی ہے تب یہ پابندی؟

    قطاریں آپ لگائیں تو کچھ نہیں ہوتا
    صفِ نماز پہ ہے بے سبب یہ پابندی

    ہزار،لاکھ کے مجمع پہ کوئی روک نہیں
    ہوں پانچ شخص نہ یکجا،عجب یہ پابندی

    ہمارے ملک میں تعلیم عام کیسے ہو؟
    ہے درسگاہوں مدارس پہ جب یہ پابندی

    سحرؔ نہ حالِ دِلِ زار کر سکوگی بیاں
    تباہ ملک ہے اپنا غضب یہ پابندی
     
    آخری تدوین: ‏اپریل 18, 2021
  4. محمل ابراہیم

    محمل ابراہیم لائبریرین

    مراسلے:
    420
    جھنڈا:
    India
    موڈ:
    Angelic
    زبان و لب کی ہے سالار اب یہ پابندی
    ہیں سب گرفت میں اس کے عجب یہ پابندی
    .. سالار؟ مودی جی سے خطاب ہے یا مرحوم صلاح الدین اویسی سے جنہیں حیدرآباد میں سالار کہا جاتا تھا۔ زبان و لب پر تو پابندی نہیں ہے نا! اس سے قطع نظر، شعر میں سالار ہی بھرتی کا لفظ لگ رہا ہے

    سالار صرف حاکم کے معنی میں استعمال کیا تھا ۔مجھے یہ کہنا تھا کہ خامشی کی ہی سب پر حکومت ہے۔ سالار سے مراد کوئی شخص نہیں تھا۔
    ہاں بہ ظاہر زبان و لب پر تو کوئی پابندی نہیں مگر دیکھا جائے تو ہماری زبان پر پابندی ہے۔ہم حق بات کہتے ہوئے کہیں نہ کہیں خوف زدہ تو ہوتے ہیں۔
    حرم سے مراد عام مساجد ہیں۔
    درسگاہ پر پابندی والا شعر اس لیے کہا کیوں کہ ہمارے ملک میں سب سے پہلے اسکول ہی بند ہو رہے ہیں۔باقی سارا کام چل رہا ہے۔الیکشن ہو رہا ہے وغیرہ وغیرہ۔۔۔

    سر یہ میرا ہیچ خیال ہے ہو بھی سکتا ہی میرا نظریہ غلط ہو مگر اتنا سب کچھ ہو رہا ہے نہ کہ اب حکومت کے رویوں اور عمل پر اعتبار کرنا بہت مشکل ہو گیا ہے۔

    سر ایک سوال کر لوں آپ سے؟؟
    آپ ہندوستان سے ہیں؟؟
     
  5. محمد خلیل الرحمٰن

    محمد خلیل الرحمٰن مدیر

    مراسلے:
    11,195
    جھنڈا:
    Pakistan
    موڈ:
    Festive
    درست فرمارہے ہیں آپ! یہاں پاکستان میں بھی یہی واقعہ ہے۔ لوگ نہ کورونا کو تسلیم کرنے کے لیے تیار ہیں اور نہ اس سے بچاؤ کی تدابیر کرنے کے لیے۔ حد تو یہ ہے کہ ویکسین لگوانے کے لیے بھی راضی نہیں۔
     
    • پسندیدہ پسندیدہ × 1
  6. الف عین

    الف عین لائبریرین

    مراسلے:
    35,966
    جھنڈا:
    India
    موڈ:
    Psychedelic
    کیا کوائف نہیں دیکھے میرے کبھی؟ میری پیدائش جاؤرہ اور تعلیم اندور، مدھیہ پردیش کی ہے، اعلیٰ تعلیم اور پہلی ملازمت علی گڑھ کی، اور آج کل حیدرآباد میں بس گیا ہوں۔
     
    • پسندیدہ پسندیدہ × 1
  7. محمل ابراہیم

    محمل ابراہیم لائبریرین

    مراسلے:
    420
    جھنڈا:
    India
    موڈ:
    Angelic

    نہیں سر آپ کا کوائف نامہ نہیں دیکھا تھا میں نے ۔۔میری پیدائش علی گڑھ کی ہے۔میرے والد بھی اے۔ ایم ۔یو سے تعلیم مکمل کرنے کے بعد وہاں شعبہ اردو میں معلمی
    کے عہدے پر فائز رہے۔:)
     
  8. الف عین

    الف عین لائبریرین

    مراسلے:
    35,966
    جھنڈا:
    India
    موڈ:
    Psychedelic
    کس سال؟ ان کا اسم گرامی؟ شاید میں واقف ہوں اگرچہ مالیگاؤں سے کسی کے تعلق کا مجھے علم نہیں
     
  9. محمل ابراہیم

    محمل ابراہیم لائبریرین

    مراسلے:
    420
    جھنڈا:
    India
    موڈ:
    Angelic
    سال اُن نے پوچھ کر ان شاء اللہ کل بتا دوں گی۔میرے والد کا نام شمشاد احمد ہے۔اس وقت شعبہ اردو میں جو پروفیسر امتیاز ہیں وہ میرے والد کے ہم جماعت تھے۔دونوں بہترین دوست ہیں۔اور جو انگلش ڈیپارٹمنٹ میں پی۔آر۔او۔ کے منصب پر فائز ہیں شمیم الزماں وہ بھی میرے والد کے ساتھ ہی پڑھے ہیں۔
    سر میرا تعلق مالیگاؤں سے نہیں ہیں۔مئو ( اعظم گڑھ) کیفی اعظمی کو جانتے ہیں نہ آپ وہی اعظم گڑھ ہمارا District تھا۔بعد میں بدل کر مئو ہو گیا۔
     
    • پسندیدہ پسندیدہ × 1
  10. محمل ابراہیم

    محمل ابراہیم لائبریرین

    مراسلے:
    420
    جھنڈا:
    India
    موڈ:
    Angelic
    سر آپ کے آنکھوں کی سرجری ہوئی ہے؟
    آپ کی طبیعت خرابی کا پتہ چلا تھا مجھے کسی استاذ سے ہی۔اب آپ ٹھیک ہیں نہ سر؟
    بہت دکھ ہوا آپ کے کوائف نامے میں یہ دیکھ کر۔:crying1:

    اللہ پاک آپ کو عمر دراز عطا کریں۔اور صحت و توانائی بھی۔
     
    • پسندیدہ پسندیدہ × 1
  11. الف عین

    الف عین لائبریرین

    مراسلے:
    35,966
    جھنڈا:
    India
    موڈ:
    Psychedelic
    امتیاز تو بہت جونئر ہیں، ان سے ملاقات اس لئے ہوئی کہ علی گڑھ میں ہمارے پچھلے گھر کے پڑوسی تھے! ہر بار علی گڑھ جاتا ہوں تو امتیاز سے بھی ملاقات ہوتی ہے، بلکہ ایک آدھ نماز وہاں سید کالونی کی مسجد میں ہی پڑھتا ہوں اور پرانے احباب سے مل لیتا ہوں۔ شمیم صاحب سے واقفیت نہیں
    اب دوسری آنکھ کی بھی سرجری کروانا ہے، ان شاء اللہ رمضان کے بعد
     
    • پسندیدہ پسندیدہ × 1
  12. محمل ابراہیم

    محمل ابراہیم لائبریرین

    مراسلے:
    420
    جھنڈا:
    India
    موڈ:
    Angelic
    اچّھا سر
    امتیاز انکل اور میرے والد کی ہی پوزیشن رہا کرتی تھی یونیورسٹی میں، بہترین سٹوڈنٹ تھے وہاں کے۔

    میرے والد کو سال ٹھیک سے یاد نہیں رہا کہہ رہے ہیں 1994۔95 میں شاید۔
     
    آخری تدوین: ‏اپریل 19, 2021

اس صفحے کی تشہیر