جوش باغی انسان-جوش ملیح آبادی

Saraah

Saraah

محفلین
حکمراں آج بھی ہے پیرِ مغاں ،کیا کہنا
وہی دفتر ہے وہی مہرو نشاں،کیا کہنا

عقل کی تند ہوایئں ہیں خروشاں کب سے
پھر بھی ہے شمعِ جنوں شعلہ فشاں ،کیا کہنا

کب سے خورشید کی حدت میں ہے فرمانِ سکوت
پھر بھی جنبش میں ہے ذروں کی زباں ،کیا کہنا

ذرے ذرے پہ جہنم کی لگی ہیں مہریں
پھر بھی دنیا پہ جنت کا گماں ،کیا کہنا

کب سے ادیان کی خشکی میں ہے تبلیغ سراب
وہی رونق ہے سرِ آبِ رواں ،کیا کہنا

کب سے ہے زوقِ نظر حسنِ شریعت سے حرام
وہی نظریں ہیں وہی حسن جواں ،کیا کہنا

آج بھی جلوہِ رنگیں کی طلب گاری میں
چشمِ انساں ہے ہر سو نگراں ،کیا کہنا

جوش ملیح آبادی-باغی انسان
 
ش

شاہ حسین

محفلین
باغی انسان

حکمراں آج بھی ہے پیر مغاں کیا کہنا
وُہی دفتر ہے ، وہی مہر و نشاں کیا کہنا

عقل کی تند ہوائیں ہیں خراشاں کب سے
پھر بھی ہے شمعِ جنوں شعلہ فشاں کیا کہنا

کب سے تقویٰ ہے مزا میر و ترنّم کے خلاف
آج بھی نغمہ ہے آشوبِ جہاں کیا کہنا

کب سے خورشید کی حدّت میں ہے فرمانِ سکوت
پھر بھی جنبش میں ہے ذرّوں کی زباں کیا کہنا

ذرّے ذرّے پہ جہنّم کی لگی ہیں مُہریں
پھر بھی دنیا پہ ہے جنّت کا گماں کیا کہنا

کب سے ادیان کی خشکی میں ہے تبلیغ سراب
وہی رونق ہے سرِ آب رواں کیا کہنا

عقل کے دور میں بھی عشق نہیں ہے خاموش
وہی نالے ہیں ، وہی شورِ فغاں کیا کہنا

کب سے ہے ذوقِ نظر ، حکم شریعت سے حرام
وہی نظریں ہیں ، وہی حُسن جواں کیا کہنا

آج بھی جلوۂ رنگیں کی طلب گاری ہیں
چشمِ انساں ہے بہر سُو نِگراں کیا کہنا

ہاں بہ ایں شدّتِ آیات و احادیث حجاب
دستِ خُوباں میں ہے شوخی کی عناں کیا کہنا

شبنم و برف کے اس حلقۂ نمناک میں بھی
اٹھ رہا ہے دلِ انساں سے دُھواں کیا کہنا

تُرش ہیں منبر و محراب کے لہجے کب سے
پھر بھی سرشار ہیں رِندانِ جہاں کیا کہنا

زُہد کے کوئے ہلاکت میں بھی ہیں گرمِ خرام
زُلف بردوش مسیحا نَفساں کیا کہنا

کب سے قرنوں کا ہے شانوں پہ اُٹھائے ہوئے بار
پھر بھی رقصاں ہے جہانِ گُزراں کیا کہنا

سینۂ دہر ہے گو تیرے حوادث سے فِگار
پھر بھی ابرو کی لچکتی ہے کماں کیا کہنا

کب سے ہے نُطقِ رسالت پہ رواں ہجو شراب
وہی ہلچل ہے سَر کوئے مُغاں کیا کہنا

لِللّہ الحمد کو خُود حُکمِ "خُدا" کے باوصف
وہی گرمئِ بازارِ بُتاں کیا کہنا

آفرین باد کہ اِس جبرِ مشیّت پہ بھی ہے
دستِ انساں میں بغاوت کی عناں کیا کہنا

حضرتِ جوش ملیح آبادی


سیف و سبو



241
 
جواب دینے کے لیے داخل ہوں یا شمولیت اختیار کریں۔
Top