بارش، برکھا، برسات، ساون پر اشعار

[قرۃالعین اعوان]

ایک ہی شہر میں اتنی بارشیں ٹھیک نہیں​

آؤ ہم تم بانٹ لیں آنکھوں کی برسات​

میں جی لوں گا مجھ کو راس ہے تاریکی​

سارے دن تم لے لو مجھ کو دے دو رات​

 

[محمداحمد]

لمسِ جاناں، فشارِ جاں بارش​

زخمِ تازہ کی رازداں بارش​

​

ٹوٹ کر برسے تیری یاد کے پھول​

پھر ہوئی رات ناگہاں بارش​

​

اک نئے قرب کا پیاسا ہے وجود​

اک نئے خواب کا جہاں بارش​

​

ہجر کی دھوپ دلاتی ہے یاد​

پیاس بھڑکاتی مہرباں بارش​

​

حبسِ جاں کس طرح سہاریں گے​

پل دو پل دے ہمیں اماں بارش​

​

خواہشِ وصل استعارہ ہے​

بھول سکتے ہیں ہم کہاں بارش​

​

قربِ یاراں کی تیز تر خوشبو​

کشتیء خواب، بادباں بارش​

​

 

[محمداحمد]

ادھورا ہے ہر اک سپنا ہمارا​

کبھی جھولے، کبھی ساون نہیں ہے​

​

​

 

[فرحان دانش]

واہ واہ

 

[محمد بلال اعظم]

احمد فراز صاحب کا ہی ایک اور شعر جو مجھے بہت پسند ہے

شاید کوئی خواہش روتی رہتی ہے
میرے اندر بارش ہوتی رہتی ہے

 

[محمد بلال اعظم]

قرۃالعین اعوان اور محمد بلال اعظم بھی کسی سے پیچھے نہیں ہیں

 

[محمداحمد]

بد نصیبی کا میں قائل تو نہیں ہوں لیکن​

میں نے برسات میں جلتے ہوئے گھر دیکھے ہیں​

 

[محمداحمد]

بادل کو کیا خبر ہے کہ بارش کی چاہ میں ​

کیسے بلند و بالا شجر خاک ہو گئے​

 

[محمداحمد]

حسیں پنگھٹوں کا وہ چاندی سا پانی
وہ برکھا کی رت وہ سماں چھوڑ آئے​

​

حبیب جالب​

 

[حاتم راجپوت]

تیرا گھر اور میرا جنگل بھیگتا ہے ساتھ ساتھ
ایسی برساتیں کہ بادل بھیگتا ہے ساتھ ساتھ

بارشِ سنگِ ملامت میں بھی وہ ہمراہ ہے
میں بھی بھیگوں ،خود بھی پاگل بھیگتا ہے ساتھ ساتھ

بارشیں جاڑے کی اور تنہا بہت میرا کساں
جسم اوراکلوتا کمبل بھیگتا ہے ساتھ ساتھ

 

[بےمروت]

برستی بارشوں سے صرف مجھے اتنی سی نسبت ہے
کہ اس طرح کا اک موسم میرے اندر بھی رہتا ہے

 

[شمشاد]

لائی ہے اب اُڑا کے گئے موسموں کی باس
برکھا کی رُت کا قہر ہے اور ہم ہیں دوستو
(منیر نیازی)

 

[نوید رزاق بٹ]

آنکھ بن جاتی ہے ساون کی گھٹا شام کے بعد
لوٹ جاتا ہے اگر کوئی خفا شام کے بعد
- فرحت عباس شاہ

 

[شمشاد]

دو اشک جانے کس لئے، پلکوں پہ آکر ٹک گئے
الطاف کي بارش تيري، اکرام کا دريا تيرا
(ابن انشاء)

 

[اوشو]

پھر ساون رت کی پون چلی تم یاد آئے
پھر پتوں کی پازیب بجی تم یاد آئے

 

[شمشاد]

واں کرم کو عذرِ بارش تھا عناں گیرِ خرام
گریے سے یاں پنبۂ بالش کفِ سیلاب تھا
(چچا)

 

[محمداحمد]

 

[جاسمن]

بہت سے زخم ہیں دل میں مگر اِک زخم ہے ایسا
جو جل اُٹھتا ہے راتوں میں جو لو دیتا ہے بارش میں

 

[جاسمن]

ہائیکو
بارشوں کے موسم میں
ہم سدا ہی رہتے ہیں
تیری چشمِ پُرنم میں

 

[جاسمن]

اب جو برسی ہے یاد کی بارش
عین ممکن ہے کہ آندھی تھم جائے
(اعظم خورشید)