1. اردو ویب کے سالانہ اخراجات کی مد میں فراخدلانہ تعاون پر احباب کا بے حد شکریہ نیز ہدف کی تکمیل پر مبارکباد۔ مزید تفصیلات ملاحظہ فرمائیں!

    $500.00
    اعلان ختم کریں

اے حسن مجھے تھام کہ برباد نہ ہوں میں ٭ راحیلؔ فاروق

محمد عدنان اکبری نقیبی نے 'پسندیدہ کلام' کی ذیل میں اس موضوع کا آغاز کیا، ‏اکتوبر 7, 2019

  1. محمد عدنان اکبری نقیبی

    محمد عدنان اکبری نقیبی محفلین

    مراسلے:
    17,826
    جھنڈا:
    Pakistan
    موڈ:
    Cheerful
    اے حسن مجھے تھام کہ برباد نہ ہوں میں
    اللہ نہ کرے عشق سے بھی شاد نہ ہوں میں

    ہو ہی نہیں سکتا کہ اسے یاد نہ ہوں میں
    ایسا ہو تو ہر بند سے آزاد نہ ہوں میں

    اپنے ہی کسی وہم کی ایجاد نہ ہوں میں
    اے جوشِ سخن گنگ کی فریاد نہ ہوں میں

    شاعر کا شعور اصل ہے ہر چھان پھٹک کی
    نقاد نہ ہوں میں اگر استاد نہ ہوں میں

    مت دیکھ کہ تو بندۂِ درگاہ کا ہے عشق
    یہ سوچ ترا حسنِ خداداد نہ ہوں میں

    وحشت کا وہ عالم ہے ترے شہر میں اب کے
    شاید کسی ویرانے میں آباد نہ ہوں میں

    ڈر اس سے کہ مجھ میں کوئی مجھ سے بھی سوا ہو
    ممکن ہے کہ تعمیر ہوں بنیاد نہ ہوں میں

    الہام کرے عشق تو الہام سراپا
    ارشاد کرے عقل تو ارشاد نہ ہوں میں

    محشر میں مجھے اذنِ سخن سوچ کے دیجو
    اے کن فیکونی تری روداد نہ ہوں میں

    کیا ہے اگر اس دور کا راحیلؔ نہ تھا وہ
    کیا ہے اگر اس دور کا فرہاد نہ ہوں میں

    راحیلؔ فاروق
     
    • زبردست زبردست × 2
  2. چودھری مصطفی

    چودھری مصطفی محفلین

    مراسلے:
    406
    محشر میں مجھے اذنِ سخن سوچ کے دیجو
    اے کن فیکونی تری روداد نہ ہوں میں

    کمال !!!
    بھائی یہ اتنے اچھے شاعر محفل کو کیوں چھوڑ گئے۔
     
    • دوستانہ دوستانہ × 1
  3. فاخر رضا

    فاخر رضا محفلین

    مراسلے:
    2,723
    بہت اچھے
     
    • دوستانہ دوستانہ × 1

اس صفحے کی تشہیر