ایک نطم کی ہے "سارنگ" .

[مہدی نقوی حجاز]

سارنگ​

سچ جو کہتا تو میں مارا جاتا​

جھوٹ کہتا تو جلایا جاتا​

بولنے پر مرے پابندی تھی​

ورنہ اک بات تو کہتا جاتا​

اے مرے شہر کی مظلوم سحر​

تو مری قوم کا وجدان جگا​

کوچہ عشق کے ہر کلبے میں​

رات سوتے ہوئے انسان جگا​

یہ کوئی وادی صحرا تو نہیں​

کہ جھلستی ہو جہاں شوم نہار​

جہاں اک خستہ شجر باقی ہو​

مر چکی ہو جہاں امید بہار​

عشق کہتا ہے پس پردہ کرب​

کون بے جان دلوں میں ترسے​

کون آرام سے ناتا توڑے​

کون روتے ہوئے چہروں پہ ہنسے​

دیکھ دنیا کے پریشان قدم​

دیکھ بے زاری انسان کو دیکھ​

دیکھ آزادی انسان حجاز​

دیکھ پھر موت کے زندان کو دیکھ​

​

 

[مہدی نقوی حجاز]

تو مری قوم کا وژدان جگا​

اس مصرع میں "وجدان" کو غلطی سے "ژ" سے باندھ دیا ہے۔​

 

[محمد وارث]

خوب نظم ہے جناب۔

 

[مہدی نقوی حجاز]

بہت شکریہ آپ کا جناب