ایک غزل ،'' کس طرح تجھ کو آنکھ میں بھر لوں ''

[محمد اظہر نذیر]

کس طرح تجھ کو آنکھ میں بھر لوں؟​

تیرے کوچے، تری گلی گھر لوں؟​

​

​

اپنی مرضی بتا سہی مجھ کو​

زندہ رہ لوں، اگر کہے مر لوں​

​

​

جان دے دوں؟ کسی کی جاں لے لوں​

تُو کہے کام جو ، میں وہ کر لوں​

​

​

اور مانگوں میں کس طرح معافی؟​

لپٹوں چوکھٹ سے؟ کیا پکڑ در لوں؟​

​

​

بول اظہر تجھے ستاتا ہے​

کوئی الزام دوں؟ اُسے دھر لوں​

 

[احمد بلال]

چوتھے شعر کے پہلے مصرعے میں معافی کو فعلن پر باندھنا غلط ہے۔ معافی کا ع نہیں گرا سکتے ۔اس کے علاوہ وزن کی غلطی نہیں ہے۔ باقی اصلاح اساتذہ ہی کریں گے۔

 

[محمد اظہر نذیر]

ایک تبدیلی

کس طرح تجھ کو آنکھ میں بھر لوں؟​

تیرے کوچے، تری گلی گھر لوں؟​

​

​

اپنی مرضی بتا سہی مجھ کو​

زندہ رہ لوں، اگر کہے مر لوں​

​

​

جان دے دوں؟ کسی کی جاں لے لوں​

تُو کہے کام جو ، میں وہ کر لوں​

​

​

معذرت اور کس طرح ہو گی​

لپٹوں چوکھٹ سے؟ کیا پکڑ در لوں؟​

​

​

بول اظہر تجھے ستاتا ہے​

کوئی الزام دوں؟ اُسے دھر لوں​

 

[الف عین]

معافی والی غلطی تو دور ہو گئی، لیکن یہ بتاؤ مقطع میں پولس والاکون ہے؟؟؟

 

[محمد اظہر نذیر]

معافی والی غلطی تو دور ہو گئی، لیکن یہ بتاؤ مقطع میں پولس والاکون ہے؟؟؟

جی وہ میں خود ہوں محترم اُستاد

 

[محمد اظہر نذیر]

چند تبدیلیاں اور

کیا کروں کیسے آنکھ میں بھر لوں؟​

تیری کھڑکی کے سامنے گھر لوں؟​

​

​

زندگی ہاتھ میں ترے دے دی​

رہ لوں زندہ ، اگر کہے مر لوں​

​

​

تجھ کو میرا عدو بھی پیارا ہے​

تُو کہے اُس سے دوستی کر لوں​

​

​

اُڑ کے پہنچوں اگر بلائے تُو​

کوئی پنچھی ملے، چُرا پر لوں​

​

​

بول اظہر نے بھی ستاتا ہے​

کوئی الزام دے، اُسے دھر لوں​

 

[الف عین]

کیا کروں کیسے آنکھ میں بھر لوں؟
تیری کھڑکی کے سامنے گھر لوں؟
//درست

زندگی ہاتھ میں ترے دے دی
رہ لوں زندہ ، اگر کہے مر لوں
//’مر لوں ‘اچھا نہیں لگتا، بہر حال زیادہ رواں سورت یوں بن سکتی ہے
زندگی تیرے ہاتھ میں دے دی
رہ لوں زندہ ، اگر کہے مر لوں
یا
زندگی تیرے ہاتھ ہے، جو کہہ
رہ لوں زندہ ، اگر کہے مر لوں

تجھ کو میرا عدو بھی پیارا ہے
تُو کہے اُس سے دوستی کر لوں
//دوسرا مصرع یوں بہتر ہوگا
کہے تو اُس سے دوستی کر لوں

اُڑ کے پہنچوں اگر بلائے تُو
کوئی پنچھی ملے، چُرا پر لوں
//’ چُرا پر لوں‘؟ یہ خلاقانہ استعمال نہیں، استادی ہے۔

بول اظہر نے بھی ستاتا ہے
کوئی الزام دے، اُسے دھر لوں
//پہلی شکل ہی بہتر تھی، تبدیل کرنے کی وجہ
بول اظہر تجھے ستاتا ہے
کوئی الزام دوں؟ اُسے دھر لوں