ایک شعر ایک تلخ حقیقت --- نیا سلسلہ

[زبیر مرزا]

اے ہم نفسو صبر بڑی چیز ہے لیکن
ہوتے ہیں محبت میں زیاں اور طرح کے
(ناصرکاظمی)

 

[کاشفی]

کبھی جو یاد بھی آتا ہوں میں تو کہتے ہیں
کہ آج بزم میں کچھ فتنہ و فساد نہیں

(غالب رحمتہ اللہ علیہ)

 

[غ۔ن۔غ]

الٹی سی چال چلتے ہیں دیوان گانِ عشق​

آنکھوں کو بند کرتے ہیں دیدار کے لیے

 

[مزمل حسین]

پیڑ سے پیڑ مل کے روتا ہے
جب پرندہ شکار ہوتا ہے

 

[محمد یعقوب آسی]

جو تنکے آج بکھرے ہیں گلی میں
کبھی اک چہکتی چڑیا کا گھر تھا

 

[محمد یعقوب آسی]

وقتِ رخصت پیش کرنے کے لئے کچھ بھی نہیں
اشک جتنے تھے ترے آنے پہ جگنو کر دئے

 

[محمد یعقوب آسی]

شبِ تار بھی مرا راہ بر بھی ہے بے جہت
کوئی لَو تو دے، ذرا جگمگا! مرے داغِ دل

 

[الف نظامی]

وقتِ رخصت پیش کرنے کے لئے کچھ بھی نہیں
اشک جتنے تھے ترے آنے پہ جگنو کر دئے

خوب!

 

[محمداحمد]

یہ کیا کہ اک جہاں کو کرو وقفِ اضطراب​

یہ کیا کہ ایک دل کو شکیبا نہ کر سکو​

​

صوفی غلام مصطفیٰ تبسم​

 

[محمد یعقوب آسی]

ایسا نہ ہو یہ درد بنے دردِ لا دوا
ایسا نہ ہو کہ تم بھی مداوا نہ کر سکو

 

[محمد وارث]

بس ہوس کے ہیں یہ سارے سلسلے
بابری مسجد ہو یا سُمنات ہو

 

[محمد یعقوب آسی]

کئی برس پہلے کہی ہوئی غزل کا یہ شعر جناب محمد وارث صاحب کی نذر کرتا ہوں۔
ہائے یہ حال میرے غزنی کا
شوکتِ روزِ سومنات گئی
۔۔۔۔۔
بابری مسجد کا سانحہ بھی تو انہیں دنوں (دسمبر میں) ہوا تھا، نا؟۔

 

[محمد یعقوب آسی]

انجمنِ اقوام کے قیام پر حکیم الامت نے کہا تھا:

من ازِیں بیش ندانم کہ کفن دُزدے چند
بہرِ تقسیمِ قبور انجمنے ساختہ اند

ترجمہ ۔۔ میں تو بس اتنا جانتا ہوں کہ کچھ کفن چوروں نے قبریں بانٹنے کو ایک انجمن بنا لی ہے۔

محمد وارث، مدیحہ گیلانی،

 

[محمود احمد غزنوی]

جو تنکے آج بکھرے ہیں گلی میں
کبھی اک چہکتی چڑیا کا گھر تھا

اس بار جو ایندھن کیلئے کٹ کے گرا ہے
چڑیوں کو بڑا پیار تھا اس بوڑھے شجر سے

 

[محمد بلال اعظم]

نابینا جنم لیتی ہے اولاد بھی ان کی
جو قوم دیا کرتی ہے تاوان میں آنکھیں

 

[محمداحمد]

جو رعنائی نگاہوں کے لئے فردوسِ جلوہ ہے​

لباسِ مفلسی میں کتنی بے قیمت نظر آتی​

یہاں تو جاذبیت بھی ہے دولت ہی کی پرودہ​

یہ لڑکی فاقہ کش ہوتی تو بد صورت نظر آتی​

​

جون ایلیا​

 

[محمد بلال اعظم]

جسے قبائے امارت سمجھ رہے ہیں جناب​

کسی کے جسم سے چھینا ہوا کفن تو نہیں​

امیرِ شہر کی مسند کو غور سے دیکھو​

کسی غریب کی بیٹی کا پیرہن تو نہیں​

محسن نقوی​

 

[غ۔ن۔غ]

ناشناسی دہر کی تنہا ہمیں کرتی گئی
ہوتے ہوتے ہم زمانے سے جدا ہوتے گئے

 

[زبیر مرزا]

اُسی کے درد سے ملتے ہیں سلسلے جاں کے
اُسی کے نام لگادو ملال جو بھی ہو

 

[محمد بلال اعظم]

بندگی ہم نے چھوڑ دی ہے فرازؔ
کیا کریں لوگ جب خدا ہو جائیں
(احمد فراز)