ایک آسماں کو چھونے کی حسرت میں پر گئے - سوہن راہی

[شمشاد]

ایک آسماں کو چھونے کی حسرت میں پر گئے​

ہم ان کے گھر گئے نہ اپنے ہی گھر گئے​

​

ایسے تو تیرتا ہے ان آنکھوں کی جھیل میں​

اے چاند تجھ کو ڈھونڈنے ہم در بدر گئے​

​

وعدوں کے پھول سانس کی ڈالی پہ تھے جواں​

جو ان کے انتظار میں کھل کر بکھر گئے​

​

وہ جس جگہ کہ زندہ جہاں پیار دفن ہے​

اپنے اسی مزار پہ شام و سحر گئے​

​

یہ زندگی ہے چند ہی لمحوں کا راستہ​

ان چند لمحوں کے لیے برسوں گزر گئے​

​

 

[عینی شاہ]

واہ واہ

 

[فاتح]

اچھی ہے۔ واہ شمشاد بھائی

 

[طارق شاہ]

ایک آسماں کو چھونے کی حسرت میں پر گئے
ہم ان کے گھر گئے نہ اپنے ہی گھر گئے

شمشاد صاحب !
مطلع بہت ہی خوب ہےلیکن شاید دوسرے مصرع میں کوئی حرف رہ گیا ہے ٹائپ ہونے سے

تشکّر شیئر کرنے پر
اب آئیں ہیں اس طرف تو آتے رہیے گا

 

[نایاب]

بہت خوب انتخاب

 

[سید شہزاد ناصر]

وعدوں کے پھول سانس کی ڈالی پہ تھے جواں​

جو ان کے انتظار میں کھل کر بکھر گئے​

وہ جس جگہ کہ زندہ جہاں پیار دفن ہے​

اپنے اسی مزار پہ شام و سحر گئے​

بہت خوبصورت کلام​

لطف آیا پڑھ کر​

شاد و آباد رہیں​

 

[مدیحہ گیلانی]

عمدہ انتخاب ہے ۔