شو کمار بٹالوی اک کڑی جہدانام محبت ۔ شو کمار بٹالوی

فرخ منظور نے 'پنجابی فورم' کی ذیل میں اس موضوع کا آغاز کیا، ‏اکتوبر 22, 2019

  1. فرخ منظور

    فرخ منظور لائبریرین

    مراسلے:
    12,698
    جھنڈا:
    Pakistan
    موڈ:
    Cold
    اشتہار

    اک کڑی جہدا نام محبت
    گم ہے۔ گم ہے گم ہے !
    ساد مرادی سوہنی پھبت
    گم ہے۔ گم ہے۔ گم ہے!

    صورت اوس دی پریاں ورگی
    سیرت دی اوہ مریم لگدی
    ہسدی ہے تاں پُھل جھڑدے نیں
    ٹردی ہے تاں غزل ہے لگدی
    لم سلمّی سرو قد دی
    عمر اجے ہے مر کے اگ دی
    پر نیناں دی گل سمجھدی !

    گمیاں جنم جنم ہن ہوئے
    پر لگدے جیوں کل دی گل ہے
    ایوں لگداے جیوں اج دی گل ہے
    ایوں لگداے جیوں ہن دی گل ہے
    ہنے تاں میرے کول کھڑی سی
    ہنے تاں میرے کول نہیں ہے
    ایہ کیہ چھکل ہے ایہ کیہی بھٹکن
    سوچ میری حیران بڑی ہے
    نظر میری ہر آؤندے جاندے
    چہرے دا رنگ پھول رہی ہے
    اوس کڑی نوں ٹول رہی ہے
    سانجھ ڈھلے بازاراں دے جد
    موڑاں تے خشبو اگدی ہے
    ویلھ ، تھکاوٹ ، بے چینی جد
    چوراہیاں تے آ جڑدی ہے
    رولے لپی تنہائی وچ
    اوس کڑی دی بڑ کھاندی ہے
    اوس کڑی دی بڑ دسدی ہے

    ہر چھن مینوں ایوں لگداہے
    ہر دن مینوں ایوں لگداہے
    جڑے جشن نین بھیڑاں وچوں
    جڑی مہک دے جھڑمٹ وچوں
    اوہ مینوں آواز دوے گی
    اوہ اوہنوں پہچان لوے گی
    پر اس رولے دے ہڑ وچوں
    کوئی مینوں آواز نہ دیندا
    کوئی وی میرے ول نہ ویہندا

    پر خورے کیوں پٹلا لگدا
    پر خورے کیوں جھولا پیندا
    ہر دن ہر اک بھیڑ جڑی چوں
    بت اوہدا جیوں لنگھ کے جاندا
    پر مینوں ہی نظر نہ آؤندا
    گم گئی میں اوس کڑی دے
    چہرے دے وچ گمیا رہندا
    اوس دے غم وچ گھلدا رہندا
    اوس دے غم وچ کھردا جاندا!

    اوس کڑی نوں میری سونہہ ہے
    اوس کڑی نوں آپنی سونہہ ہے
    اوس کڑی نوں سبھ جگ دی سونہہ ہے
    اوس کڑی نوں جگ دی سونہہ ہے
    اوس کڑی نوں رب دی سونہہ ہے
    جے کتے پڑھدی سندی ہووے
    اک واری آ کے مل جاوے
    وفا میری نوں داغ نہ لاوے
    نہیں تاں میتھوں جیا نہ جاندا
    گیت کوئی لکھیا نہ جاندا !

    اک کڑی جہدا نام محبت
    گم ہے ۔ گم ہے ۔ گم ہے !
    ساد مرادی سوہنی پھبت
    گم ہے ۔ گم ہے ۔ گم ہے !

    (شو کمار بٹالوی)
     
    آخری تدوین: ‏جنوری 3, 2020
    • پسندیدہ پسندیدہ × 2
  2. فرخ منظور

    فرخ منظور لائبریرین

    مراسلے:
    12,698
    جھنڈا:
    Pakistan
    موڈ:
    Cold
    ایہو نظم شاہد دی آواز وچ فلم اڑدا پنجاب توں سنو

     

اس صفحے کی تشہیر