اکبر الہ آبادی اک بوسہ دیجئے، مرا ایمان لیجئے - اکبر الہ آبادی

[کاشفی]

غزل​

(اکبر الہ آبادی)​

​

اک بوسہ دیجئے، مرا ایمان لیجئے​

گو بُت ہیں آپ ، بہرِ خدا مان لیجئے​

​

دل لے کے کہتے ہیں تری خاطر سے لے لیا​

اُلٹا مجھ ہی پہ رکھتے ہیں احسان لیجئے​

​

غیروں کو اپنے ہاتھ سے ہنس کر کھلا دیا​

مجھ سے کبیدہ ہو کے کہا، پان لیجئے​

​

مرنا قبول ہے مگر الفت نہیں قبول​

دل تو نہ دوں گا آپ کو میں جان لیجئے​

​

حاضر ہوا کروں گا میں اکثر حضور میں​

آج اچھی طرح سے مجھے پہچان لیجئے​

 

[محمد وارث]

واہ بہت خوب۔کیا چلبلا مطلع ہے۔

شکریہ کاشفی صاحب